हलेसीन्युजडेस्क, खोटाङ /

खोटाङको सदरमुकाम दिक्तेलमा जिल्ला स्तरीय बुद्धिचाल, बाघचाल र टेवलटेनिस प्रतियोगिता सम्पन्न भएको छ । नेपाल तरुण दल दिक्तेल रुपाकोट मझुवागढी नगर कार्य समितिका अध्यक्ष दिवासन रार्ईको अध्यक्षता तथा दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टरार्ईको प्रमुख आतिथ्यतामा  अशोज १९ गते देखि शुरु भएर आज अशोज २० गते खेल प्रतियोगिता समापन भएकोे हो ।

नेपाल तरुण दल दिक्तेल रुपाकोट मझुवागढी नगर कार्य समितिको आयोजनामा भएको प्रतियोगितामध्ये १६ जना सहभागी रहेका बाघचाल प्रतियोगितामा दिक्तेल रुपाकोट मझुवागढी नगरपालिका-६ नेर्पाका प्रभुराम रार्ईले प्रथम स्थान ओगट्न सफल हुनुभएको छ भने रावाँबेसी गाउँपालिका-२ खार्पाका गोबिन्द मगर द्धितिय र नेर्पाकै हरिभक्त रार्ईले तृतिय स्थान हासिल गर्नु भएको छ । 

यसैगरी टेवलटेनिस प्रतियोगिता  तर्फ ३४ जना खेलाडीहरु सहभागी रहनुभयो । प्रतियोगितामा दिक्तेल रुपाकोट मझुवागढी नगरपालिका-१ आचार्य टोलका  विवेक आचार्य प्रथम, आचार्य टोलकै राजेशराज आचार्य द्धितिय र दिक्तेल रुपाकोट मझुवागढी नगरपालिका-१२ जाल्पाका मौसम बि.क. तृतिय घाषित हुनुभएको छ ।

अर्को खेल बुद्धिचाल (चेस) प्रतियोगितातर्फ जम्मा २४ जना खेलाडी सहभागी भएकोमा केपिलासगढी गाउँपालिकाका रविन सुनुवार रार्ई प्रथम, नुनथलाका निशान रार्ई द्धितिय र दोर्पाका भुपाल रार्ई तृतिय हुनभएको आयोजकले जनाएको छ । 

बाघचाल तर्फ प्रथम हुनेले रु.५ हजार ५५५, दोस्रो हुनेले रु.२ हजार २२२ र तेस्रो हुनेले रु.१ हजार १११ रुपैयाका साथ शिल्ड, मेडल र प्रमाणपत्र प्राप्त गर्नुभएको छ ।

यस्तै टेवुलटेनिस तर्फ प्रथम हुनेले रु. १० हजार, दोस्रो हुनेले रु.६ हजार र तेस्रो हुनेले रु.३ हजारका साथ शिल्ड, मेडल र प्रमाणपत्र प्राप्त गर्नुभएको छ । 

यसैगरी बुद्धिचाल (चेस) तर्फ प्रथम हुनेले रु.७ हजार ७७७, दोस्रो हुनेले रु.४ हजार ४४४ र तेस्रो हुनेले रु.२ हजार २२२ रुपैया नगदका साथ शिल्ड, मेडल र प्रमाणपत्र प्राप्त गर्नु भएको तरुण दल नगर कार्य समितिका अध्यक्ष राईले बताउनुभयो । 

सल्लाह, सझाव र सहयोग गरी प्रतियोगितालाई सफल बनाउन उल्लेखनीय भूमिका निर्वाह गरेको भन्दै टेवलटेनिस जिल्ला संघका अध्यक्ष हेमबिक्रम राई र बुद्धिचाल तर्फ सूर्य तामाङलार्ई सम्मान पनि गरिएको जनाइएको छ ।

कार्यक्रममा दिक्तेल रुपाकोटा मझुवागढी नगरपालिकाका नगरप्रमुख तीर्थराज भट्टरार्ई, उपप्रमुख विसन रार्ई, जिल्ला खेलकुद विकास समिति खोटाङका अध्यक्ष रमेश राई (महेश), नेपाली कांग्रेस महासमिति सदस्य शहरमान राई, तरुण दल केन्द्रीय सदस्य भिषण राई, सन्जय राई, तरुण दल खोटाङका जिल्ला अध्यक्ष काजिमान राई, लोकतान्त्रिक सघं प्रदेश सदस्य सोनम राई जो.जो  लगायत अन्य खेलाडीहरु, खेल प्रेमी, बुद्धिजिबिहरुको उपस्थिति रहेको थियो ।  

अशोज १९ र २० गते २ दिन भएको खेल प्रतियोगिता दिक्तेलको माटिकोरेस्थित कर्वड हलमा सम्पन्न भएको हो ।

[यो पनि-दिक्तेलमा जिल्ला स्तरीय बुद्धिचाल, बाघचाल र टेवलटेनिस प्रतियोगिता हुँदै ]