बैशाख २५, २०८१, खोटाङ
हलेसीन्युजडेस्क, खोटाङ /
खोटाङको दिक्तेल रुपाकोट मझुवागढी नगरपालिकाले प्रदेश सरकार, करुणा फाउण्डेशन नेपाल र नगरपालिकाको संयुक्त साझेदारी तथा राष्ट्रिय अपांग महासंघको प्राविधिक सहयोगमा अपांगता रोकथाम तथा पुनःस्थापना कार्यक्रम अन्तर्गत स्वास्थ्य परिक्षण, अपांगता परिचय पत्र वितरण एवं आवश्यकता पहिचान शिविरलाई वडा–वडामा निरन्तरता दिइरहेको छ ।
शिविर सञ्चालनको १२ औँ दिन सोमवार दिक्तेलरुपाकोट मझुवागढी नगरपालिकाको वडा नं. ५ लफ्याङमा शिविर सम्पन्न भएको छ ।
लफ्याङमा भएको शिविरमा १९ जनाले नयाँ अपांगता परिचय पत्र लिएका छन् । यस्तै २३ जनाको कानको जाँच, १०८ जनाको आँखाजाँच तथा ४४ जनाको फिजियोथेरापी गरिएको थाहा भएको छ । अन्य ३९ जनाको स्वास्थ्य परिक्षण, १०३ जनालाई औषधि प्रदान गरिएको वडा नं. ५ लफ्याङका वडाध्यक्ष दिनेशकुमार घिमिरेले जानकारी गराउनुभयो ।
वडाध्यक्ष घिमिरेका अनुसार शिविरमा ३ जनालाई ह्विलचेयर, ४ जनालाई कमोड चेयर, ६ जनालाई मा्डिफाइड सुज, २ जनालाई ट्रयाकिङ स्टिक, १ जनालाई स्प्लिन्टका लागि सिफारिस गरिएको छ ।
बैशाख १३ गते पाथेकाबाट शुरु गरिएको शिविर अब बैशाख २५ गते वडा नं. २ दिक्तेल, २६ गते वडा नं. १२ जालपा र २७ गते वडा नं. १ दिक्तेलमा सञ्चालन भएसँगै समपन हुने नगरपालिका महिला, वालवालिका तथा जेष्ठ नागरिक शाखा प्रमुख इरन राईले जानकारी गराउनुभयो ।
[ यो पनि-आज शिविरको छैठौँ दिनः निर्मलीडाँडाका ६२ जना सेवाग्राही लाभान्वित }
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिका–७ दोर्पा चिउरीडाँडामा ...
हलेसीन्युजडेस्क, खोटाङ / नेपालका चर्चित कलाकार सुनिल थापा “रातेकाईंला”ले दिक्तेल रूपाकोट...
हलेसीन्युजडेस्क, खोटाङ / खोटाङको साकेला गाउँपालिकालाई जिल्लाकै पहिलो पूर्ण खोप सुनिश्चित...
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिकाले वडास्तरमा स्थानीय पाठ्यक्रम...
खोटाङका प्रदेश सांसद पाँचकर्ण राई सामाजिक विकास मन्त्रीमा नियुक्त हलेसीन्युजडेस्क,...
हलेसीन्युजडेस्क, खोटाङ / खोटाङको सदरमुकाम दिक्तेलबजारमा फोटोग्राफी तथा सिनेअटोग्राफी तालिम...
वि.सं. २०८१ जेष्ठ
मेष राशिलाई जेठ महिनामा विद्या, बुद्धि र श्रमको लागि उचित देखिन्छ । यो महिनामा मेष राशीका लागि विशेष उपलब्धि प्राप्त गर्न सफल भइनेछ । अध्ययन, अनुसन्धान र लेखनतर्फ जुट्नेहरूलाई समयले साथ दिनेछ । नोकरीमा प्रवेश वा पदोन्नति हुन सक्छ । धन र शक्तिको उपयोग गर्नेहरूलाई भने महिना उतार चढावमय रहने देखिन्छ । सानो कमजोरीले आर्थिक व्यवस्थापान असन्तुलित बन्ने सम्भावाना भएकोले सावधान रहनुहोला । चिताएको काम रोकिने हुँदा चिन्ता बढ्न सक्छ । धनमाल हराउने, नष्ट हुने वा ठगीमा परिने सम्भावना रहेकाले व्यवहारमा सजग रहनुपर्ने समय छ । अनावश्यक किनमेल तथा मर्मत–सम्भारमा अधिक खर्च हुनेछ । सरसापट, उधारो व्यापार र असुरक्षित लगानीतर्फ रकम बाहिरिन सक्छ । विदेश ताक्नेहरूले पनि केही समय पर्खनु बुद्धिमानी हुनेछ ।
वि.सं. २०८१ जेष्ठ
वृष राशिलाई जेठ महिनामा स्वास्थ्य कमजोर रहनेछ, तर कामको नतिजाले उत्साह जगाउनेछ । लेखन, संगीत र कलामा रुचि बढ्नेछ । विद्यार्थीहरूको अभिव्यक्ति कलामा निखारता आउनुका साथै अध्ययनमा प्रगति हुनेछ । प्रतिभा प्रदर्शन गरेर मान–सम्मान प्राप्त गर्न सकिनेछ । व्यवसाय र उद्योगधन्दामा राम्रो फाइदा मिल्नेछ । समाजका अगुवासँग सहकार्य गर्दै सामाजिक क्षेत्रमा नेतृत्व लिने अवसर प्राप्त हुनेछ । तर मनमा उच्च महत्वाकांक्षाले प्रश्रय पाउने हुँदा केही उतारचढाव पनि आउनेछन् । वादविवाद, असमझदारी, आलोचना जस्ता विघ्न बाधासँग संघर्ष गर्नुपर्ने देखिन्छ । ज्वरो, टाउको दुखाई तथा मौसमी समस्याले सताउन सक्नेछ ।
वि.सं. २०८१ जेष्ठ
मिथुन राशिलाई जेठ महिनामा नसोचेको व्यवधान आइपर्ने, काम रोकिने र खर्च बढ्ने सम्भावना देखिन्छ । लागत अध्ययन नगरी काम थाल्नाले आर्थिक व्यवस्थापन असन्तुलित बन्न सक्छ । उठ्नुपर्ने रकम अड्किनाले व्यवहारमा अर्थअभाव देखापर्न सक्छ । फजुल खर्च, स्वास्थ्य बाधा र कानुनी अड्चनले जोशजाँगरमा कमी आउनेछ । राजनीतिक तथा सामाजिक क्षेत्रमा पनि आफ्नो प्रभाव कमजोर बन्ने समय छ । सहयोगको आशा देखाउनेहरूले प्रतिज्ञा पूरा नगर्न सक्छन् । नियमित काममा आम्दानी घट्न सक्छ । प्रतिकूल समयमा कर्जा लिएर जोखिम निम्त्याउनु भन्दा क्षति हुनबाट जोगिने प्रयास गर्नुहोला । खर्च लागे पनि विदेश ताक्नेहरूलाई यात्राको प्रक्रिया अघि बढ्न सक्छ । मिहिनेत गर्दा विद्यार्थीहरूको अध्ययन, अनुसन्धान र लेखनमा सुधार आउनेछ ।
वि.सं. २०८१ जेष्ठ
कर्कट राशिलाई जेठ महिना उत्साहवर्धक रहनेछ । सानो प्रयासले दिगो आयस्रोत जुटाउन सकिनेछ । व्यापार बढ्नेछ, चिताएको काम बन्नेछ र व्यवसायले उचाइको मार्ग अवलम्बन गर्नेछ । कृषि र पशुधनबाट यथेष्ट लाभ मिल्नेछ । नोकरीतर्फ नयाँ अवसर प्राप्त हुनेछ । पछि फाइदा हुने काम प्रारम्भ हुनेछ । मिहिनेतले स्वरोजगार बन्न सफल भइनेछ । आयआर्जनका नयाँ स्रोत फेला पर्नेछन् । व्यापार घाटा, उधारो तथा सरसापटमा गएको रकम समेत उठाउन सकिनेछ । सेयर तथा साझेदारीमा फाइदा हुनेछ । आवश्यक उपकरण, सवारीलगायत विभिन्न भौतिक साधनसमेत जुटाउने समय छ । विदेश ताक्नेहरूका लागि यात्राको प्रक्रिया अघि बढ्ने सम्भावना छ । विद्यार्थीहरूको अध्ययनमा पनि प्रगति हुनेछ, मिहिनेत गर्नुहोला ।
वि.सं. २०८१ जेष्ठ
सिंह राशिलाई जेठ महिनामा स्वास्थ्यमा केही समस्या आउनसक्छ । काम गर्न सके परिणाम राम्रो देखिन्छ । जटिल काममा जुट्नुपरे पनि पेसा–व्यवसायमा मनग्य लाभ हुनेछ । प्रयत्न गर्दा नयाँ काम थाल्ने वातावरण बन्नेछ । दिगो व्यवसायका लागि पूर्वाधार तयार पार्ने समय छ । नोकरीमा प्रवेश, पदोन्नति वा अनुकूल स्थानान्तरण हुने बलियो सम्भावना छ । विशिष्ट व्यक्तिहरू नजिकिनेछन् । मित्रता र प्रेमको बन्धन कसिलो हुनेछ । व्यापार तथा उद्योगतर्फ मनग्य फाइदा उठाउन सकिनेछ । व्यवसायमा थप लगानी बढाउने समय छ । नयाँ कामको प्रस्ताव आउनेछ । समुदायको प्रतिनिधिका रूपमा काम गर्ने अवसर प्राप्त हुनेछ । देशविदेशको यात्रा पनि हुन सक्छ । स्वास्थ्यका लागि सन्तुलित आहार, व्यायाम र विश्राममा भने ध्यान पुर्याउनुपर्ने समय छ ।
वि.सं. २०८१ जेष्ठ
कन्या राशिलाई जेठ महिना सामान्य फलदायी रहनेछ । योजना ठूलो बन्नेछ । तर मिहिनेत गर्दागर्दै पनि काममा केही चुनौती देखापर्नेछन् । आपसी मतभेदले प्रेम र दाम्पत्यमा खटपटी निम्त्याउन सक्छ । तापनि सहयोगीहरूको साथ–सहयोग प्राप्त हुनेछ । प्रतिकूल परिस्थितिका बाबजुद आवश्यकता र चुनौती नै कर्मयोगका प्रेरक बन्नेछन् । समय लागे पनि मिहिनेतले लक्ष्यमा पुर्याउनेछ । अध्ययनमा धेरै समय दिन नसकिए पनि बौद्धिक स्तरका काम सम्पादन हुनेछन् । सामाजिक जिम्मेवारी प्राप्त हुनेछ । व्यापारतर्फ सुरक्षित आर्थिक कारोबारमा ध्यान दिनुहोला । तत्काललाई सेयर तथा लगानीको मूल्य कमजोर हुनाले लाभांश घट्न सक्छ । नयाँ योजना अघि बढाउन नसकिए पनि प्राप्त उपलब्धि र पहिलेको साख जोगाउन सफल भइनेछ, मिहिनेत गर्नुहोला ।
वि.सं. २०८१ जेष्ठ
तुला राशिलाई जेठ महिना केही संघर्षमय रहनेछ । स्वास्थ्य कमजोर बन्नुका साथै काममा बाधा पर्न सक्छ । पेसा–व्यवसायमा गरेको लगानी अड्किन सक्छ । उधारोमा व्यापार गर्नुपर्ने परिस्थिति रहनेछ । काम रोकिनाले आयस्रोत कमजोर बन्नेछ भने सञ्चित रकम खर्च हुनाले अर्थ अभाव देखापर्ने सम्भावना छ । जाँगरमा कमी आउनेछ र मिहिनेत गर्दागर्दै पनि काममा पछि परिनेछ । अप्ठ्यारो समयमा आफ्नाले समेत हतोत्साहित तुल्याउने चेष्टा गर्नेछन् । चोटपटकको योग भएकाले उपकरण र हतियारको उपयोग सावधानीसाथ गर्नुहोला ।सावधानीले उपलब्धि जोगिनेछ र लगनशीलताले काम बन्नेछ । अवसरका लागि केही दौडधुप भने गर्नुपर्नेछ ।
वि.सं. २०८१ जेष्ठ
वृश्चिक राशिलाई जेठ महिनामा पारिवारिक माहोल विग्रन सक्छ । तनाव सिर्जना गराउनेछ । आलस्य बढ्नेछ, जसका कारण काम रोकिने र आर्थिक क्रियाकलापमा मन्दी आउने सम्भावना छ । विद्यार्थीहरूमा पनि अध्ययनमा अरुचि प्रदा हुनेछ । परिस्थितिवश साथीभाइ र शुभचिन्तकहरू असन्तुष्ट बन्नेछन् । केही समस्या सुल्झाउनैपर्ने चुनौती आउन सक्छ । तापनि पेसा–व्यवसाय सामान्य रूपमा चल्नेछ । फाइदा कम भए पनि व्यापारले व्यवहार निर्वाह हुनेछ । नयाँ काम गर्न नसकिए पनि पहिलेको उपलब्धि र साख जोगाउने प्रयत्न गर्नुहोला । महिनाको उत्तरार्धमा स्थिति अनुकूल बन्नाले विशेष लाभ हुनेछ । मिहिनेत गर्दा आर्थिक स्थितिमा सुधार ल्याउन सकिनेछ ।
वि.सं. २०८१ जेष्ठ
धनु राशिलाई जेठ महिनामा केही उपलब्धि हासिल हुनसक्छ । चिताएको काम बन्नाले महिना उत्साहवर्धक रहनेछ । प्रतिस्पर्धाको दौडमा सजिलै अग्रस्थान हासिल हुने समय छ । भविष्यका लागि नयाँ काममा जग बसाउन सकिनेछ । प्रयत्न गर्दा नयाँ अवसर पनि प्राप्त हुनेछन् । आफ्नो अभियानमा आफन्त र शुभचिन्तकले साथ दिनेछन् । भूमि, आवश्यक भौतिक साधन, सवारी आदि जोड्ने समय छ । तर स्वास्थ्य कमजोर हुनेहरूलाई भने छाती, फोक्सो, दम वा मौसमी समस्याले सताउन सक्छ । कृषि तथा पशुपालनमा नयाँखाले समस्या आउने सम्भावना छ । अनावश्यक महत्वावाकांक्षाले आर्थिक जोखिम निम्त्याउन सक्छ । सानो विवादले परिवारमा विग्रह निम्त्याउने सम्भावना देखिएकाले सावधान रहनुहोला । बलभन्दा बुद्धिको उपयोगले काम लिँदा फाइदा हुनेछ ।
वि.सं. २०८१ जेष्ठ
मकर राशिलाई जेठ महिना मध्यम फलदायी रहनेछ । तर लक्ष्यको उचाइ प्राप्त गर्न केही समय लाग्न सक्छ । सामान्य स्वास्थ्य समस्या देखिनाले पूर्ण समय काममा जुट्न नसकिएला । समस्या दर्साउँदा सहयोगीले साथ दिनेछन् । शुभचिन्तकको प्रेरणाले हौसला र उपलब्धि प्राप्त हुनेछ । परिश्रम गर्नेहरूलाई सम्भावनाका बाटाहरू फेला पर्नेछन् । धेरै आर्जन गर्न नसकिए पनि दिगो काम थालनी हुनेछ । निर्वाहमूलक पेसा–व्यवसायले उचाइको मार्ग अवलम्बन गर्नेछ । कृषि र पशुपालनमा विशेष फाइदा हुनेछ । सहयोगीहरू जुट्नाले अड्किएका काम पुनः प्रारम्भ हुनेछन् । प्रयत्न गर्दा घरमै बसेर राम्रो आम्दानी हातपार्न सकिनेछ । विद्यार्थीहरूको अध्ययनमा प्रगति हुनेछ । लेखन कलामा पनि सुधार ल्याउने प्रयत्न गर्नुहोला, क्षमता प्रदर्शन गरेरै स्वरोजगार बन्न सफल भइनेछ । स्वास्थ्यका लागि खानपान र विश्राममा ध्यान दिनुहोला ।
वि.सं.२०८१ जेष्ठ
कुम्भ राशिलाई जेठ महिनामा पुराना समस्या दोहोरिन सक्छन् । अधिक परिश्रमले थकान र कमजोरी निम्त्याउन सक्छ । परिस्थिति अध्ययन नगरी काम थाल्नाले दुःख पाइनेछ । स्रोत सबल देखिए पनि अज्ञानता र बलजफ्तीले काम बिग्रन सक्छ । साझेदारी तथा सगोलको व्यवहारमा पनि केही विवाद आउने हुँदा घरायसी माहोल असन्तुलित बन्ने सम्भावना छ । तापनि अप्ठ्यारो समयमा सहयोगीहरूले साथ दिनेछन् । घरेलु समस्यामा घरभित्रै समाधान खोज्नु श्रेयष्कर हुनेछ । व्यवहार सुधार्न केही समय सामाजिक जिम्मेवारीबाट पछि हट्नुपर्ने स्थिति आउन सक्छ । पेसा–व्यवसायमा नयाँ योजना थाल्न अनुकूल साइत पर्खनुहोला । कृषि र पशुपालनतर्फ लाभ हुनेछ । केही काम रोकिए पनि पहिलेको साख र उपलब्धि जोगाउन सकिनेछ, मेहनत गर्नुहोला ।
वि.सं.२०८१ जेष्ठ
मीन राशिलाई जेठ महिना निकै लाभदायक रहनेछ । बल, पराक्रम, तेज बढ्नाले चुनौतीका पहाड चिर्ने आँट जाग्नेछ । शत्रु र रोगमाथि विजय प्राप्त हुनेछ । रोकिएका काम सम्पादन हुनेछन् । स्रोत–साधन जुट्नाले महत्त्वाकांक्षी काम थालनी गर्न सकिनेछ । पेसा–व्यवसायमा मनग्य लाभ हुनेछ । नोकरी तथा राजनीति गर्नेहरूलाई पनि पद–प्रतिष्ठा प्राप्त हुने समय छ । भूमिलगायत स्थायी सम्पत्ति हातपार्ने समय छ । दाजुभाइमा भने केही असमझदारी बढ्न सक्छ । उच्च महत्वाकांक्षाले पनि समस्या निम्त्याउन सक्छ । अरूको सहमति विपरीत आफ्नो निर्णय लागू गर्दा समस्यामा परिनेछ । बोलीको लय कठोर बन्नाले सहयोगीहरू टाढिन सक्छन् । जटिल काम एक्लै समेट्नुपर्ने चुनौती आउन सक्छ । विवादबाट टाढा रहनुहोला र व्यवहारले परिस्थिति अनुकूल बनाइराख्ने प्रयास गर्नुहोला ।
अध्यक्ष :
प्रवन्ध निर्देशक
नि.स्टेशन म्यानेजर :
कार्यक्रम संयोजक
समाचार शाखा प्रमुख
Copyright © 2023 All rights reserved by Halesi FM.
Designed & Developed by: AB Group (P.) Ltd.
