असाड ३१, २०८१, Khotang
सैद्धान्तिक विचारका हिसावले सैद्धान्तिक विमति छ रामजीसँग । तर व्यवहार र वर्गका हिसावले समान छ हाम्रो धरातल । म मेयर र उहाँ पार्टी अध्यक्ष हुँदा पनि खानापान र व्यवहारमा खासै पाउँदिन फरक । लामो राजनीतिक यात्रा गर्नुभएको रामजी र छोरा अभिशान्तसँगको यात्रा अविश्मरणीय रह्यो । दिलिपजीसँग त पटकपटक गरेको छु लामो दूरीको यात्रा । जे भए पनि यो यात्रामा रामजी, म र दिलिपजी भित्रैबाट पोख्खियौं र मनको धुलो मैलोलाई सफा गर्यौं राम्रैसँग ।
असार २६ गते विहान झिसमिसेदेखि नै परिरहेको थियो दर्के पानी । बाहिर निक्लने अवस्था थिएन छाता ओढेर पनि । मेरो विहानै उठ्ने बानी अनुसार उठें ४.०० बजे नै । योग, ध्यान, जप आदि नित्यकर्म सकेर ५ बजेदेखि केही महत्वपूर्ण ठाउँमा फोन सम्पर्क गरेँ । कार्यव्यस्तताका कारण अघिल्लो दिन उठाउँन नसकेका फोनहरूमा सम्पर्क गरेँ विहानै । कहिले–कहिले फोन नउठ्दा हुने क्षति र असहजताको गर्न सकिन्न लेखाजोखा । तथापि फोन नउठ्नु र उठाउन नसक्नु बाध्यता नै हुँदोरहेछ । तर म भने फुर्सद मिल्नेसाथ फर्काउने गर्दछु फोन ।
दिक्तेलमा म बस्छु ८८ वर्षीय आमासँगै । त्यो वृद्धा उमेरमा पनि आमा विहानै उठेर दिनहँु नुहाएर भजन, किर्तन र लागि रहनुहुन्छ भागवत् भक्तिमा । विहान ५.०० बजे उठ्दा त प्रायः आमाको नित्यकर्म भैसक्छ पूुरा । निरोगी हुनुभएकोले नियमित खानु पर्दैन औषधि । बुढेसकाल भएकोले यदाकदा विसन्चो हुनु सामान्य हो । आमाको सरलपन र सादा जीवनबाट म सधैं भएकोछु प्रभावित । खार्पाली पोखरेलकी छोरी भएकोले आमाबाट व्यवहारमा यदाकदा झल्किने बडप्पन र रवाफ हाम्रो परिवारको लागि कहिल्यै भएन नयाँपन । यो स्वभावलाई आमाको खानदानी पहिचानको रूपमा स्वीकार गरेका छौं परिवारले ।
उदयपुर, रामपुरमा दिदी (जेठी सासु) गीता सुवेदी र भिनाजु दिननाथ सुवेदीकी कान्छी छोरी विन्दाको असार २७ गते स्थानीय बाबुराम भट्टराईसँग विवाह बन्धनमा बाँधिने कार्यक्रम रहेकोले २६ गते विहान ९.०० बजे नेकपा एमाले खोटाङका निवर्तमान अध्यक्ष रामप्रसाद दंगाल, कान्छो छोरो अभिशान्त दंगाल, नेपाल पत्रकार महासंघ खोटाङका अध्यक्ष दिलिप खत्री र उहाँकी पत्नी रविना खत्री, युवा समाजसेवी निराजन ढकाल र म सँगै मधेश झर्ने पूर्व तयारी थियो ।
हाम्रो सल्लाह अनुसार विहान ९.१५ मा खाना खाएर निक्लियौं दिक्तेलबाट । दर्के पानी र मुढेदेखि अर्खौलेसम्मको बाक्लो हुस्सुले धेरै धिमा गतिमा चलाउनुभयो चालक निश्चलजीले गाडि । यदाकदा तिब्र गतिमा चलाउने स्वभाव बाहेक निश्चलजी प्रति छैन प्रश्न उठाउने ठाउँ । १३ वर्षीय अभिशान्त र रविना बहिनीलाई राम्रैसँग मातलाग्यो गाडिमा । कम बोल्ने, मुसुक्क मुस्कुराउने, अनुशासित बाबु अभिशान्तलाई त धेरै गाह्रो नै भयो तर बालापन भएकोले होला चंचलता र ताजगिपनमा किन्चित देखिएन गिरावट । उनको डिम्पल युक्त गाला र मन्द मुस्कानले लामो यात्रामा हामीलाई बनायो थकान मुक्त ताजगिपन ।
बाहुनीडाँडामा फौदसिं कार्कीको पसलमा कुराउनी खाएर बढायौं अगाडिको यात्रा । बास्तव मै हलेसी महादेवको दर्शन गर्न आउनेको लागि राम्रो दिएको छ सेवा फौद दाईको पेडा पसलले । सफा सुग्घर र हँसिलो अनुहारका फौद दाई मिठाई र शाकाहारी स्वादिष्ट खाना बनाउनुहुन्छ बिभिन्न परिकारका । दैनिक न्युनतम ३०० लिटर दुधबाट निर्मित मिठाईको गर्नुहुन्छ व्यापार । कुराउनि, पेडा, वर्फी, आईसक्रिम, लस्सीले परिचित छ सो ठाउँ । घिउको वास्नाले सडक नै हुन्छ मगमगाई रहेको । उहाँले मासिक रु.३÷४ लाख मुनाफा कमाउन धाउनु परेको छैन कोरिया–जापान । दाइसँग मिठाई खाँदै नाफा नोक्सान सहित गफियौं र ११.०० बजे बढ्यौं अगाडिको गन्तव्य तर्फ ।
सिमसिमे पानी त निरन्तर परिरहेको थियो तर थिएन कतै सडक अवरोध । घुर्मीबाट ८–१० किलोमिटर अगाडि गएपछि सधैं हुन्थ्यो सडक अवरुद्ध । तर सडक विभागले अप्ठ्यारो खण्डमा यो वर्ष कालोपत्रे र पहिरो रोकथामको काम गरेको हुँदा भएन कतै पनि असजिलो । पहाडी भू–वनावट, बलौटे र फोस्के माटोको कारण ठाउँठाउँमा पहिरो जाने, नाली छेकिएर पानी सडकबाट त जाने नै भयो । तर विगत वर्षभन्दा धेरै सजिलो भएको मैले महसुश गरें घुर्मी–कटारीको ४२ किमी सडक । पोलेका मकै र वर्षे फल आंप खाने सल्लाह अनुसार गाडि रोक्यौं उदयपुर वेतिनीमा । हाम्रो संयोग नै मान्नुपर्छ त्यहाँका भेट भयो युवा समाजसेवी तथा लोक गायक धर्मराज पोखरेलसँग । परम्परागत स्वभाव र पिताजी नारायण पोखरेलको कतै न कतै खानदानी पहिचान झल्किन्छ उहाँमा । दुःखमा पनि रम्ने र सुखमा पनि नमात्तिने धर्मदाईले स्वागत गर्नुभयो पोलेका हरियो अग्र्यानिक मकै र आँपबाट । हात धोएर सबैले खायौँ भक्कु आँप र मकै । मडुवा खैनीको राग, पोखरेली रवाफ र सूर्य चुरोटको लामो सर्को लिने धर्म दाईको सदाबहार पहिचानलाई छोड्नुभएन वेतिनीमा पनि । एक घण्टाको आपसी ठट्टा, राजनीतिक व्यंग्य सँगैमा कृषि तथा वर्षातमा हुनसक्ने सम्भावित विपत् आदिको सतर्कताको अति संवेदनशील विषयमा समेत छलफल गरेर विदा भयौं हामी । धर्मदाई कटारीबाट खोटाङतर्फ र हामी कटारी हँदै गाइघाट हिडेकोले हाम्रो पर्यो फरकफरक गन्तव्य । जति माया प्रेम र सद्भाव भए पनि छुट्टि नै पर्यो हामीले । विछोड मिलन जस्तो पक्कै पनि सहज हँुदैन तर थिएन विकल्प पनि ।
अघिल्लो दिन दिलिपजीको आमा मनमायाँ खत्री गाईघाटस्थित आफ्नै घरको एकतला माथिबाट सिमेन्टमा लडेर घाइते हुनुभएकोले यात्रा अवधिमा विराटनगर स्थित न्युरो अस्पतालबाट पटकपटक फोन आयो दिलिपजीलाई । आईसियुमा उपचार भई रहेकोले चिन्त्तित हुनुहुन्थ्यो दाहाल दम्पति नै । २०६६ सालमा सप्तेश्वर छितापोखरीको वेशी मान्दत्ता छोडेर दिलिपजीको पिताजी कर्णबहादुर खत्री सपरिवार गाइघाटस्थित प्रगति टोलमा बस्दै आउनुभएकोछ । रामजी र हामी अलगअलग पार्टीका नेता–कार्यकर्ता भए पनि दुबै तर्फका आन्तरिक पार्टीगत जानकारी भएकोले खुलेरै कुरा गथ्र्यौँ । केस्रा–केस्रामा गर्यौं दुवै तर्फका राम्रा–नराम्रा पक्षहरुको । खुलेरै गर्यौं व्यक्ति-व्यक्तिको चिरफार ।
लामो समय सँगै सँगै हुने यात्राका सैँकडौं हुन्छन फाइदा । यस्ता यात्राले विगतका तितामिठा धोइपखालिने, भविष्यमा पार्टीगट सामिप्यतालाई टेवा दिने र सँगैमा सकिन्छ गुटगत राजनीतिलाई पर्घेल्न पनि । एउटाले अर्कोलाई नजिकबाट चिन्न पाउँदा भविष्यमा हुन सक्ने राजनीतिक सहकार्यलाई पुरÞ्याउँछ मद्दत पनि । संभवतः रामजी र मेरो सँगैको लामो पहिलो यात्राबाट केही सिक्ने र नजिकबाट अवसर मिल्यो नियाल्ने । मैले जति बुँझें, त्यो भन्दा कम बुझ्नु भएन मलाई उहाँले पनि । त्यसैले यात्रा जीवनको खुल्ला पाठशाला हो सधैं । मैले केही न केही सिक्ने गरेको छु यात्राबाट ।.र, यो यात्राबाट पनि सिक्ने र बुझ्ने अवसर पाएं सहयात्रीहरूलाई ।
अपरान्ह ४.०० बजे पुग्यौँ गाईघाट । मेरी कान्छी दिदीको पनि घर छ त्यहाँ । दर्जनौ नाता र हुनुहुन्छ आफन्तहरू । पार्टीका नेता तथा शुभेच्छुकको छ ठूलो जमात । गाईघाट बजारको हाराहारी ७० प्रतिशत जनसंख्या छ होला खोटाङेको नै । कता भेट्ने कता नभेट्ने हुन्छ अन्यौल । फेरि दिलिपजीको आमा आईसीयूमा गम्भिर अवस्थामा घाइते रहनु भएकोले थियो हतारो । अरूलाई नभेटे पनि नेपाली काँग्रेसका वयोवृद्ध नेता समाजसेवी हामी सबैका सम्मानित व्यक्तित्व ९९ वर्षीय आदरणीय तुलसीप्रसाद रेग्मी वुवाको आशिर्वाद लिने थियो बाटोदेखि कै सल्लाह । तर निरन्तरको वर्षातले हाम्रो उद्देश्य हुन सकेन पुरा । वेलावेलामा उहाँको आशिर्वाद लिन आ–आफ्नो ढंगले जान्छौं नै । तर यो टिमले सामुहिक रूपमा भेट्न चाहिं भोलिको दिनमा नजुर्न सक्छ यस्तो संयोग । हाम्रो आस्था, भरोसा र अविभावक हो आदरणीय तुलसीबा । यति हुँदाहुँदै पनि प्रत्यक्ष सकेनौं भेट गर्न । सबैको व्यग्र चहाना पनि हो तर रहेनछ भेट गर्न जुरेको हामीलाई ।
दिलिपजीले कपडा र अन्य सामग्री समेत लिएर जानुपर्ने भएकोले पस्यौं उहाँको घरमा । वुवा कर्णबहादुरले ३ वटै छोरालाई बनाई दिनु भएको रहेछ लहरै एकएक वटा घर । लाहुरी दुहुनो भैंसी, जर्सी गाई र बाकटे खसी रहर लाग्दा बाँधेको रहेछ गोठमा । दाना खुवाएर होला पहाडका भन्दा बलिया देखिन्थे बाख्रा बस्तु पनि । मधेश भएपनि खोटाङेको घना वस्ति भएकोले असहज हुँदैन गाइघाटको बसाई । दिलिपजीको आमा लड्नुभएको ठाउँ हेर्याँैं । धन्न मानवीय दुर्घटनाबाट जोगिएर हुनुभएछ घाइते मात्रै । हामीले अनुमान गर्याैं ठूलो खड्गो पार गरेर बाँच्नु भयो । एकछिन घरमा बसेर आँंप तथा खाजा खाएर अघि बढ्यौं हामी ।
६ बजे साँझ पुग्यौं रामपुर । रामजी इटहरी र दिलिपजी विराटनगर अस्पताल जानुभयो हामीसँग विदा भएर । विवाह घरमा थियो भोलि पल्टको तयारी । आफन्त र गाउँलेले रंग्याई रहनु भएको थियो विहे घर । उदय परिवार र छोरी प्रतिमा दिदी बहिनी भिडी रहेका थिए बेहुलाको स्वागतका लागि सगुन बनाउन । सुमनसागर खतिवडाका सपरिवार पनि व्यस्त देखिनुहुन्थ्यो विहे घरमा । पकाई रहनुभएकोथ्यो ठूला–ठूला भाँडामा खाना । हामी पनि थाकेर पुगेका थियौं । त्यसैले समयमै खाना खाँयौं र आराम गर्न गयौंँ सुमनसागरको घरमा । गर्मी र मच्छडको थियो जवरजस्त आतंक । त्यहाँ पंखा र झुलको व्यवस्था गरि हामीले गर्यौं आराम ।
अन्त्यमा, रामप्रसाद दंगालजीसँगको ७ घण्टाको लामो यात्रा थियो मेरो । सर्वदलीय बैठक होस् या स्थानीय कार्यक्रम नै किन नहुन् । दर्जनौं पटक सँगै सहभागी भएका छौँ हामी । एउटाले अर्कोलाई बुझेका छौ राम्रैसँग । सैद्धान्तिक विचारका हिसावले सैद्धान्तिक विमति छ रामजीसँग । तर व्यवहार र वर्गका हिसावले समान छ हाम्रो धरातल । म मेयर र उहाँ पार्टी अध्यक्ष हुँदा पनि खानापान र व्यवहारमा खासै पाउँदिन फरक । लामो राजनीतिक यात्रा गर्नुभएको रामजी र छोरा अभिशान्तसँगको यात्रा अविश्मरणीय रह्यो । दिलिपजीसँग त पटकपटक गरेको छु लामो दूरीको यात्रा । जे भए पनि यो यात्रामा रामजी, म र दिलिपजी भित्रैबाट पोख्खियौं र मनको धुलो मैलोलाई सफा गर्यौं राम्रैसँग ।
[यो पनि-ज्ञानवर्द्धक भयो—यात्रा काठमाडौंको ]
हलेसीन्युजडेस्क, खोटाङ / खोटाङको साकेला गाउँपालिका–४ का वडाध्यक्ष अर्जुन कुमार कटवाल...
हलेसीन्युजडेस्क, खोटाङ / खोटाङको दिप्रुङचुर्ईचुम्मा गाउँपालिका वडा नं.७ टेम्मा स्थित काहुले...
हलेसीन्युजडेस्क, खोटाङ / खोटाङको हलेसी तुवाचुङ नगरपालिका वडा नं.८ धितुङमा महिलाहरुको...
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिका–१४ बुर्ईपा पन्चरदोवाटोमा...
हलेसीन्युजडेस्क, खोटाङ / शुभदिपावली एवं छठ पर्वको अवसर पारेर खोटाङको दिक्तेलरुपाकोट...
हलेसीन्युजडेस्क, खोटाङ / खोटाङको साकेला गाउँपालिका वडा नम्बर ४ मात्तिमको वडाध्यक्ष...
२०८१ कात्तिक
मेष राशिलाई कार्तिक महिनाभर रमाइलो देखिए पनि खर्चिलो रहनेछ । प्रेम तथा दाम्पत्य जीवनमा असमझदारी बढ्ने सम्भावना देखिन्छ । सावधानीसाथ व्यवहार गर्नुहोला । परिस्थितिवश घरेलु कामकाजमा समय बित्नेछ भने उद्देश्यमूलक कामलाई प्राथमिकता दिन नसकिने स्थिति रहनेछ । केही अवसर प्राप्त भए पनि समयमा निर्णय लिन नसक्दा पछि परिनेछ । धेरै आम्दानी नभए पनि व्यापार–व्यवसाय सामान्य रूपमा चल्नेछ। पहिले रोकिएका काम दोहोर्याउँदा फाइदा हुनेछ। पेसा–व्यवसायतर्फ महत्त्वाकांक्षी योजनामा अघि बढ्न नसकिए पनि पहिलेको उपलब्धि र साख जोगाउन सफल भइनेछ। उत्तरार्धमा सहयोगीहरूका माध्यमबाट काम बनाउन सकिनेछ । उच्च रक्तचाप र पिसाबको समस्या हुनेहरूले स्वास्थ्यमा विशेष सावधान रहनुहोला ।
२०८१ कात्तिक
वृष राशिलाई कार्तिक महिना लाभदायक र उपलब्धिमूलक रहनेछ । नयाँ अवसर प्राप्त हुनेछन्। शत्रुबाधा हट्नेछ भने रोग निवारण हुनेछ। विवाद तथा द्वन्द्व सम्झौतामा टुंगिनेछ। प्रतिस्पर्धाको दौडमा विजय प्राप्त हुनेछ। आँटले काम लिने समय छ। कृषि, उद्योग र व्यवसायमा मनग्य फाइदा हुनेछ। आर्थिक समस्या सुल्झनेछ र भौतिक साधनसमेत जुटाउन सकिनेछ। रोकिएका काम बन्नुका साथै नयाँ काम थालनी हुने समय छ। पुरुषार्थी कामले उत्साह जगाउनेछ। आफ्नो अभियानमा शुभचिन्तकहरूले साथ दिनेछन्। भविष्यका लागि नयाँ काममा जग बसाउन सकिनेछ। स्थापित पेसा–व्यवसायबाट मनग्य लाभ हुनेछ। सेयर तथा सट्टापट्टा सम्बन्धी कामले फाइदा दिलाउनेछ । सामान्य उपलब्धिलाई गुणात्मक बनाउने चेष्टा गर्नुहोला। र, नयाँ अवसरका लागि प्रयत्न गर्नुहोला ।
२०८१ कात्तिक
मिथुन राशिलाई स्वास्थ्यमा केही समस्या देखा परे पनि कार्तिक महिना उपलब्धिमूलक रहनेछ। मिहिनेतले बौद्धिक क्षमता बढ्नेछ र अध्ययनमा राम्रै नतिजा हासिल गर्न सकिनेछ। अड्किएका काम प्रारम्भ हुनेछन्। प्रयत्न गर्दा देश–विदेशको यात्रा गर्ने साइत जुर्न सक्छ। आवश्यक स्रोत–साधन जुटाउन सफल भइनेछ। पेसा–व्यवसायमा फाइदा हुनेछ। क्षमता प्रदर्शन गरेर स्वरोजगार बन्न सफल भइनेछ। आँट गर्दा अप्ठ्यारो ठानिएको काम समेत सम्पादन हुनेछ। अलग्गिएका साझेदार पुनः सम्झौतामा जोडिने सम्भावना छ। आस नलागेका व्यक्तिसमेत सहयोगी बन्नेछन्। आफ्नो मान्यतामा अडान लिँदा साथीभाइको आत्मसम्मानलाई ख्याल गर्नुहोला। स्वास्थ्यमा मौसमी समस्या देखापर्ने समय छ, सजग रहनुहोला। खर्च लागे पनि प्रयत्न गर्दा देश–विदेशको यात्रा गर्ने साइत जुर्न सक्छ।
२०८१ कात्तिक
कर्कट राशिलाई कार्तिक महिनामा केही सावधानी अपनाउनुपर्ने देखिन्छ। घर–व्यवहार असन्तुलित बन्नाले चिन्ता बढ्न सक्छ। आफन्त, साथीभाइ र परिवारमा असमझदारी बढ्नाले काममा जुट्न बाधा पर्नेछ। स्थायी प्रकृतिका सगोल वा साझा सम्पत्तिमा विवाद आउनाले एकता र साझेदारीको भावना विखण्डित हुनेछ। कुनै विद्रोह गर्नुपर्ने परिस्थिति पनि आउन सक्छ । महत्त्वाकांक्षाले व्यवहार बिग्रने सम्भावना छ । समस्या र पारिवारिक उल्झनबाट बाहिर निस्कन केही समय लाग्नेछ। कृषि र पशुपालनमा नयाँखाले समस्या आउन सक्छन्, समयमै समाधान गर्ने प्रयास गर्नुहोला। पेसा–व्यवसायमा सोचेको लाभ नभए पनि आर्थिक सन्तुलन कायम राख्न सफल भइनेछ। स्वास्थ्य कमजोर हुनेहरूलाई छाती, फोक्सो तथा दमको समस्या बढ्न सक्छ। नयाँ काम थाल्न केही समय प्रतीक्षा गर्नुहोला ।
२०८१ कात्तिक
सिंह राशिलाई कार्तिक महिना उपलब्धिमूलक र आशा जगाउने प्रकृतिको रहनेछ। पहिलेका व्यवधान हट्नेछन् र सम्भावनाका नयाँ ढोका खुल्नेछन्। अग्रज तथा शुभचिन्तकहरूको साथ–सहयोग जुट्नाले पुरुषार्थी काम गर्न सकिनेछ। नोकरीमा प्रवेश, पदोन्नति वा अनुकूल स्थानान्तरण हुने बलियो सम्भावना छ। उद्योग र व्यापारमा मनग्य फाइदा हुनेछ। रोकिएका काम पनि सम्पादन हुनेछन्। शत्रुता साध्नेहरू पछि हट्नेछन्। प्रतिस्पर्धीलाई पनि पछि पार्न सकिनेछ। प्रशस्त धन र बहुमूल्य धातुहरू संग्रह गर्ने समय छ। परिस्थितिले नयाँ जिम्मेवारी दिलाउन सक्छ। मेहनतले जीवनशैलीमा परिवर्तन आउनेछ। तर महत्त्वाकांक्षा एवं स्वार्थी भावना बढ्ने हुँदा सदैव अरूको सहयोग नजुट्न सक्छ। पछिल्ला दिनमा केही आलोचकसमेत देखापर्नेछन्। लोकप्रिय छवि कायम राख्ने प्रयास गर्नुहोला।
२०८१ कात्तिक
कन्या राशिलाई कार्तिक महिना केही संघर्षमय रहनेछ। अवसर र चुनौती बराबर आउनेछन्। पहिलेको प्रभावले केही काम सम्पादन हुनेछन्। तर नयाँ काम थाल्न बाधा पर्नेछ। अरूको सुझावविपरीत आफ्नो निर्णय लिँदा पनि समस्यामा परिनेछ। आत्मसम्मानको बहानामा सहयोगीहरू टाढिन सक्छन्। जटिल काम एक्लै समेट्नुपर्ने चुनौती आउन सक्छ। अध्ययन तथा लेखनमा समय दिन नसकिएला। समस्याबाट बाहिरिन समय लाग्नेछ। केही अवसर आए पनि समयमा निर्णय लिन नसक्दा पछि परिनेछ। प्रेम तथा दाम्पत्यमा असमझदारी बढ्नेछ। पेसा–व्यवसायमा लागत बढ्न सक्छ। पछिल्ला दिनमा आयस्रोत सबल बन्नेछ तर अधिक कर्जा लिएर जोखिम निम्त्याउनु भन्दा क्षति हुनबाट जोगिने प्रयास गर्नुहोला। सबैसँग नम्र व्यवहार गर्दै पहिलेका उपलब्धि जोगाउने प्रयास गर्नुहोला ।
२०८१ कात्तिक
तुला राशिलाई अप्ठ्यारा काममा हात हाल्नाले समस्याबाट बाहिरिन समय लाग्नेछ। पदको मोहले व्यर्थैमा श्रम, समय र धन खर्च हुनेछ। अरूको विचारमा सहमत बन्न नसक्दा विद्रोही भावना जागृत हुनेछ। आत्मसम्मानका लागि संघर्षमा उत्रनुपर्ने स्थिति आउन सक्छ। बोलीको लयमा कठोरताको आभास हुनाले सहयोगीहरू जिम्मेवारीबाट पन्छिन सक्छन्। अरूको भरपर्दा काम रोकिने हुँदा स्वयं जुट्नुपर्नेछ। मिहिनेत गर्नेहरूलाई भने सम्भावनाको मार्ग पनि फेलापर्नेछ। प्रयत्न गर्दा पेसा–व्यवसायमा फाइदै हुनेछ। सञ्चित रकम खर्चनुपरे पनि भौतिक साधन र उपकरण संग्रह गर्न सकिनेछ। लेनदेनसम्बन्धी पुरानो हिसाबले वादविवाद निम्त्याउने देखिन्छ। स्वास्थ्यमा शिर, दाँत र आँखाको समस्याले सताउन सक्छ। अध्ययन नगरी काम थाल्दा समस्या पर्नेछ, सावधान रहनुहोला।
२०८१ कात्तिक
वृश्चिक राशिलाई कार्तिक महिना केही खर्चिलो रहने देखिन्छ। पेसा–व्यवसायमा मन्दी आउनाले लगानीको तुलनामा न्यून प्रतिफल प्राप्त हुनेछ। अनावश्यक हठ गर्ने बानीले पारिवारिक असमझदारी निम्त्याउनेछ भने फजुल खर्च पनि बढ्नेछ। नियमित काम सम्पादन भए पनि नयाँ कार्ययोजना स्थगित गर्नुपर्ने हुन सक्छ। सरकारी निकायबाट हुने कडिकडाउको सिकार समेत भइएला। परिस्थितिवश कार्ययोजना स्थगित गर्नुपर्ने अवस्था आउन सक्छ। महत्त्वाकांक्षाले व्यावहारिक समस्या निम्त्याउने हुँदा सावधान रहनुहोला। ठूलो आशा देखाउनेहरूले झुक्याउन सक्छन्। वादविवादमा अघि नसर्नुहोला। पाउमा चोटपटकको योग देखिएकाले जोखिम हुने काम, हातहतियार र सवारीसाधन उपयोग गर्दा सावधान रहनुहोला। सामान्य काममा अलमलिनु भन्दा दिगो अवसरका लागि प्रयत्न गर्नुहोला।
२०८१ कात्तिक
धनु राशिलाई कार्तिक महिना लाभदायक रहनेछ। रोकिएका धेरै काम बन्नेछन् भने आयआर्जनका स्रोत पनि बढ्नेछन्। प्रयास गर्दा नोकरीमा प्रवेश, पदोन्नति वा अनुकूल स्थानान्तरण हुन सक्छ। मिहिनेतले दिगो आयस्रोत जुटाउने समय छ। गरेका कामहरूको धेरैले प्रशंसा गर्नेछन्। अध्ययनमा प्रगति हुनेछ र व्यवसायमा आम्दानी बढ्नेछ। व्यापार, कृषि तथा पशुधनबाट पनि मनग्य लाभ हुनेछ। प्रयत्न गर्दा देश–विदेशको यात्रा गर्ने साइत जुर्न सक्छ। प्रेम र मित्रताको बन्धन कसिनेछ। सवारीलगायत विभिन्न भौतिक साधन प्राप्त हुनेछन्। योग्यता प्रदर्शन गरेरै स्वरोजगार बन्न सफल भइनेछ। चिताएको काम सजिलै सम्पादन गर्न सकिनेछ। उठ्नुपर्ने रकम हातलागी हुनेछ र आम्दानीका नयाँ स्रोत फेला पर्नेछन्। महिनाको अन्त्यतिर केही समस्या आउनेछन्, उपलब्धि जोगाउन सावधान रहनुहोला।
२०८१ कात्तिक
मकर राशिलाई विभिन्न अवसर प्राप्त हुनाले महिना उत्साहवर्धक रहनेछ। व्यापार तथा उद्योगतर्फ लगानी बढाउने समय छ। कृषि उपज र पशुधनबाट पनि राम्रै फाइदा हुनेछ। भूमि, वाहन र पैत्रिक सम्पत्तिको उपयोग गरी थप फाइदा उठाउन सकिनेछ। मिहिनेतीहरूलाई कर्मयोगले उचाइमा पुर्याउनेछ। नोकरीमा प्रवेश वा पदोन्नति हुन सक्छ। विशिष्ट व्यक्तिहरू नजिकिनेछन् भने मित्रता र प्रेमको बन्धन कसिनेछ। आयस्रोत सबल हुनेछ, स्रोत–साधन जुट्नेछन् र कीर्तिमानी कामको यश लिने अवसर प्राप्त हुनेछ। दाम, इनाम र प्रतिष्ठा कमाउने मौका छ। प्रयत्न गर्दा देशविदेशको यात्रा हुन सक्छ। स्वास्थ्यमा भने केही समस्या देखापर्न सक्छ। उद्योगतर्फ मर्मतसम्भारमा खर्च बढ्नेछ भने पेसा–व्यवसायमा थप लगानी जुटाउनुपर्ने हुन सक्छ। तापनि तारिफयोग्य कामले कीर्तिमानी दिलाउनेछ।
२०८१ कात्तिक
कुम्भ राशिलाई कार्तिक महिना सामान्य फलदायी रहनेछ। योजना ठूलो बन्नेछ तर काम गर्न समय लाग्नेछ। मिहिनेत गर्दागर्दै पनि काममा केही चुनौती देखापर्नेछन्। प्रचलित ऐन तथा वैधानिक अड्चनले समेत बाधा पुर्याउनेछ। आपसी मतभेदले प्रेम र दाम्पत्यमा खटपटी निम्त्याउन सक्छ। तापनि सहयोगीहरूको साथ–सहयोग प्राप्त हुनेछ। प्रतिकूल परिस्थितिका बाबजुद आवश्यकता र चुनौती नै कर्मयोगका प्रेरक बन्नेछन्। अध्ययनमा धेरै समय दिन नसकिए पनि बौद्धिक स्तरका काम सम्पादन हुनेछन्। पहिले गुमेको स्थान प्राप्त हुनुका साथै आफ्नो वर्चस्व बढ्नेछ। अत्यधिक परिश्रमले थकान र कमजोरी भने निम्त्याउन सक्छ। सरोकार नभएका विषयमा चासो राख्नाले व्यवहारमा दुःख पाइनेछ। सुझबुझले काम लिँदा विवाद समेत सम्झौतामा टुंग्याउन सकिनेछ। रोकिएको काम थालनी हुनेछ।
२०८१ कात्तिक
मीन राशिलाई कार्तिक महिना केही संघर्षमय रहनेछ। स्वास्थ्य कमजोर हुनाले जोस–जाँगरमा कमी आउनेछ। पेसा–व्यवसायमा गरेको लगानी अड्किन सक्छ। सञ्चित रकम पनि खर्च हुने समय छ। भएको आम्दानी बाहिरिनाले अर्थ अभाव देखापर्नेछ। राजनीतिक तथा सामाजिक प्रभाव समेत कमजोर बन्ने समय छ। नयाँ व्यवसाय थाल्ने योजनामा हुनुहुन्छ भने वैधानिक प्रावधानले समस्या निम्त्याउन सक्छ। आफ्नैले पनि अवरोध पुर्याउन सक्छन्, गोपनीयतामा सजग रहनुहोला। समयमा निर्णय लिन नसक्दा अवसर गुम्ने सम्भावना देखिन्छ। मिहिनेत गर्दागर्दै पनि काममा पछि परिनेछ। चोटपटकको योग भएकाले हातहतियारको उपयोग सावधानीसाथ गर्नुहोला। धैर्यसाथ प्रयत्न गर्दा समस्या समाधान हुनेछन्। सावधानीले उपलब्धि जोगिनेछ। अवसरका लागि दौडधुप भने गर्नुपर्नेछ।