बैशाख २९, २०८१, खोटाङ
ट्वाक्कै ५५ वर्ष पुगेर ५६ लागियो । आधा जोभान त ख्याल–ख्यालमै ढल्यो । अब आधा ख्याल गर्नुपर्ने समय आयो ।
यो मेरो जन्मदिन ठ्याक्कै कुन दिन हो ? न मलाई थाहा छ, न मलाई जन्माउनेहरूलाई थाहा छ ! थाहा थियो त हाम्रो पुरानो घरको आँगन छेउमा रहेको सुङ्गुर खोरको पाटामा रहेको तल्लो खन्डा सानो खोर्सानी रोप्ने सुर्कालाई थाहा थियो । अब त्यसको कुनै चिनोबानो छैन ।
म – ‘‘ह’ना, म कुन दिन जन्मेको हो?’’
आमा – ‘‘तँं सोमबार जन्मेको हो। कान्छि (फूपू)हरू अर्खौले बजार गएको थियो ।’’
बाबू – ‘‘तँं बैशाख २६ गते जन्मेको हो ।’’
आमा र बाबुको यो हिसाब मेल खादैनथ्यो । त्यसैले म आफैले स्कुलको रेकर्डमा बैशाख २८ (May 10) लेखाएँं । र, त्यही मेरो जन्मदिन ।
म ५५ वर्षको उमेरसम्म आफूलाई थाहा पाउदै छु । यो पनि प्रारब्धको चामत्कारिक खेल हो । मलाई हेर्ने कोर्ने जोगी, सन्यासी, धामी, बिजुवा सबैले धेरै बांच्दैन भन्नेभित्र पर्ने मान्छे हु ं। अब मर्नु चाहिँ मर्छु, कुन दिन मर्छु ।
म झन्डै पहिल्यै मरेको हो । यति शुन्दर संसार र यति कुरुप जिन्दगी भोग्नु थियो रैछ र बांचेको रहेछु । (फेरि ज्यान नपरेको भन्या’ होइन, केटा असला माछा हो । भर्ती चाहिँ उचाइ नाप्ने डोरीभित्र छिरेको हुनाले नलागेको) । अं, म झन्डै मरेको कथा पनि रमाइलै होला ।
१) मेरी आमा २००६ सालमा जन्मेको । २०१५ सालमा बिहे भएको । २०२० सालमा मूलघरबाट छुट्टिएको । अनि म जन्मेको २०२५ सालमा । म जन्मने दिन र’छ । बाबू घरमा थिएनन् । बेलुकी कोकुले हेरेर बुहारी ठिकै छ भनी घर जानू भएछ । आमालाई राती व्यथा लागेछ । मैले अघि भनेको खोर्सानी बारीबाट तल्लो घर सासुलाई बोलाउनु भएछ । सबै सुतेकाले कसैले सुनेनन् । आमाले मलाई त्यहीं जन्माउनु भएछ । अलि होश हुँदा मलाई गुन्युमा पोका पारेर सिकुवा ल्याउनु भएछ । तर यतिकैमा अत्यधिक रक्तस्रावका कारण आमा बेहोश हुनुभएछ । नानी कता ! आमा कता !! बिहानपख भालेकै डाकमा सासू आउदा आमा एकातिर चित, नानी लगभग मरिसकेको । हरियो फर्केको नानीलाई सेक तापको कार्यक्रमको धेरै पछि सास फेरेपछि म बांचेको र’छु ।
यदि कोकु भालेकै डाकमा बुहारी हेर्न नआएको भए.......??
२) म जन्मेको झन्डै २२/२५ दिनदेखि आमाको स्तनमा घाउ भयो । मेरो भान्साघर घाउ भएपछि मैले अघाउजी दूध खान पाइनँ । म सासले मात्र रुन्थेँ रे । “यस्तो हिर्दुक भएर के बांच्नु“ भन्थे रे देख्नेहरू । आमा भन्नुहुन्छ,₋‘‘तेरो मुटु कलेजो, आन्द्रा भुँडी सबै देखिन्थ्यो ।’’ मुख प्याक प्याक भएर हिरिक्क जानू आंटेको आमाले हेर्नू सक्नु भएनछ र– “आ, अब जे त पर्ला ।’’ भनेर आफैले खाँदै गरेको सिस्नोको चिप्लो रसमा मकै भात (पिथे) औलाले मिचेर मेरो मुखमा हालीदिनु भएछ । केटोले घुलुक्क निलेछ र एवम् क्रमले लितो खाने उमेर नभई भात खाएर बाँचेछ । (त्यतिखेर आमालाई लितो बनाएर ख्वाउनु पर्छ भन्ने थाहा पनि थिएन भन्नुहुन्छ ।)
यदि पिथे भात मिचेर ख्वाउने आमाले आंट नगरेको भए.......??
३) सिस्नोको रसमा भात खाने केटो, चिसोले भेटिरहने । (हाम्रो घर अति चिसो जगमा छ। आगो नफुके अगेनुमा लेउ पलाउछ ।) मलाई सधै सधै जङ्गलीले सताइ रहने । म पटक पटक बेहोश हुँदै बौरनु पर्ने । (त्यतिखेरको जङ्गली देउ भनेको निमोनिया रहेछ । मसान भनेको जुका, आंउ, झाडाबान्ता रहेछ ।) एक पटक खर्कमा बाबा जोत्ने, आमा सियो लाउने । दिउँसो मलाई जङ्गली लागेछ । आमा नानीको धन्दामा । बाबाको सक्नुपर्ने मेलो । बुढोलाई खुब रिस उठेछ । (म सधै मर्नु न बाँच्नुको बिरामले बाबा वाक्क थिए सायद)
बाबू₋‘‘बाह्र वर्षमा उन्यु फुल्यो गुहु गन्ध । खोल्सामा मिल्काई दे’ पिसात्लाई । दुःख दिन भगवानले पठाएको सैतान ।’’
आमा–‘‘फ्याँक्ने छोरा कसको सस्तो छ । छोरा फ्याँंकिस भने म पनि मर्छु । हेरी राख ।’’
आमा पनि रुँदै कराएपछि बाबाले थप करामत गरेनछन् ।
मरेतुल्य अचेत नानी च्यापेर आमा सिधै मेलो छोडेर धामी खोज्दै थामसरिम्पाको घर पुग्नु भएछ । तर धामी पनि मकै छर्नु मुलपानी भएको जानकारी पाएपछि आमा त्यतै लाग्नुभएछ । धामीले गोरु बिसाएर नानीको नाडी छामेर मेरो आमालाई “बैनी, बैनी ..!’’ मात्र भन्नू भएछ । आमाले धामीको आशय बुझ्नुभएछ, तर डाँको छाडेर रुनलाई आमासित आँसु सकिएको थियो रे । धामीले “घर जाँदै गर्नु, तै म भरै आउछ ।’’ भने पछि “कसैगरि आउनु है दाजै !’’ भनेर आमा घर फिर्नु भएछ । म अचेत भएपछि आमा घर आइपुग्दासम्म करिब ३ घन्टाको समय होला भनेर आमा अनुमान गर्नुहुन्छ । गोरु खोलेर धामी घरमा आइपुग्दा पारि सङ्खु पाखामा रातो घाम बसिसकेको थियो रे । हो, ठिक यही बेला धामीले मेरो नाडी बिचार गरेर चिराइतो वा अरु केही निचोरेर मेरो मुखमा चुहाइ दिनुभयो रे । “भरैसम्म पर्खनु !’’ भन्दै धामी घर फिर्नु भो’छ । (शायद मलाई छिटै भिरको ओढारमा “बुत्ता’’ नलगोस् भन्ने आशय धामीको हुनसक्छ ।) भरै रातितिर बिस्तारै नानीको अनुहारबाट फुस्रो रङ हट्दै गयो । र नानीले दोहोरो सास फेर्न थाल्यो । अनि यसरी म फेरि पनि बाँचे ।
यदि नानी मरेको भनेर ओढारमा फ्याँक्न लगेको भए..........??
बाँचें, र यो जन्मदिन मनाउदै छु ।
अब मर्छु, तर कुन दिन मर्छु ?।
(साभार–सामाजिक सञ्जाल)
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिका–११ खार्मीमा सो क्षेत्रको...
हलेसीन्युजडेस्क, खोटाङ / साइनो कला केन्द्र खोटाङले हरेक शुक्रवार साँझमा सांगीतिक...
हलेसीन्युजडेस्क, खोटाङ / खोटाङको साकेला गाउँपालिकाले समग्र शैक्षिक अवस्था सुधारका लागि...
हलेसीन्युजडेस्क, खोटाङ / खोटाङको साकेला गाउँपालिका–१ बाँझेच्यानडाँडामा ट्याक्टर दुर्घटना हुँदा एकजनाको...
हलेसीन्युजडेस्क, खोटाङ / आज साउन महिनाको पहिलो दिन, बिक्रम सम्बतको पात्रो...
हलेसीन्युजडेस्क, खोटाङ / खोटाङमा एसईईमा मौका परीक्षा दिन पाउने विध्यार्थीहरुलाई लक्षित...
वि.सं. २०८१ श्रावण
श्रावण महिनामा मेष राशीका लागि मिश्रित फल मिल्नेछ । आफ्नो अधिकार प्राप्तिको लागि संघर्ष गर्नु पर्नेछ । व्यर्थको हैरानी पनि खेप्नु पर्नेछ । १७ गतेबाट लाभदायक यात्राको सम्भावनालाई नकार्न सकिँदैन । चलाखीपूर्ण बोलीले सङ्कल्प सिद्ध हुनेछ । ठीक समयमा सही निर्णय लिन सकिनेछ । परिश्रमअनुसार उपलब्धि पनि राम्रै पाइनेछ । यो महिनाको लागि शुभ अङ्क १,७ र शुभ रङ्ग पहेँलो वा रातो हो । कुनै शुभकर्म गर्नु पूर्व वा यात्रामा जानु अघि नवग्रहको स्मरण गरि कार्य आरम्भ गर्दा शुभ फल प्राप्त हुनेछ ।
वि.सं.२०८१ श्रावण
साउन महिनामा वृष राशीलाई सूर्यको गोचरले भाग्य वृद्धि र शक्तिशाली बनाउनेछ । कला र गलाको प्रभाव बढ्नेछ । नयाँ उद्योग वा रचनात्मक काममा जुट्ने समय छ । ठूला व्यक्तिले तपाईंको मेहनतको प्रशंसा गर्नेछन् । २२ गतेबाट सामाजिक र राजनैतिक कार्यमा बाधा आउनसक्छ । भ्रमण, स्वास्थ्यमा तथा सौन्दर्यतामा धन खर्च हुनेछ । यो महिनाको लागि शुभ अङ्क १,६ र शुभ रङ्ग निलो वा रातो हो । कुनै शुभ कर्म गर्नु पूर्व विघ्नहर्ता गणेशजीको पूजा अर्चना गरि गरेको कार्यबाट अधिक सफलता मिल्नेछ ।
वि.सं. २०८१ श्रावण
श्रावण महिनामा मिथुन राशीलाई शैक्षिक क्षेत्रमा सफलता मिल्नेछ । छरछिमेकमा सम्पन्न हुने धार्मिक तथा सांस्कृतिक गतिविधिमा संलग्न हुनु पर्नेछ । विपरीत वर्ग प्रति आकर्षण बढ्नेछ । वैदेशिक क्षेत्रबाट पनि सफलता मिल्नेछ । मध्य महिनाबाट बाटो काट्दा वा यात्रा गर्दा सचेत हुनुपर्छ । आफ्नो विचार विपरित निर्णय हुनेछ । अनावश्यक खर्च पनि बढ्न सक्छ । यो महिनाको लागि शुभ अङ्क ६,९ र शुभ रङ्ग हरियो वा गुलाबी हो । कुनै शुभकर्म गर्नु पूर्व श्रीकृष्ण भगवानको स्मरण गरि कार्य आरम्भ गर्दा राम्रो हुनेछ ।
वि.सं. २०८१ श्रावण
श्रावण महिनामा कर्कट राशीलाई आफ्नै दक्षतामा विभिन्न कार्यहरू सम्पन्न हुने योग छ । आर्थिक र व्यवसायिक समस्या समाधान हुनेछन् । विशिष्ट व्यक्तिको भेटघाटले मन प्रसन्न हुनेछ । लामो समयदेखि रोकिएका अधुरा कामहरू पुरा हुनेछन् । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । यो महिनाको लागि शुभ अङ्क ४,५ र शुभ रङ्ग रातो हो । कुनै शुभकर्म गर्नु पूर्व विष्णु भगवानको दर्शन गरि कार्य आरम्भ गर्दा अधिक सफलता मिल्नेछ ।
वि.सं. २०८१ श्रावण
श्रावण महिनामा सिंह राशिका लागि केही स्वास्थ्यमा तनाव रहने देखिन्छ । विशेष नाक तथा घाँटीमा समस्या आउला । नयाँ योजना कार्यान्वयनमा ल्याउन मुस्किल पर्ला । पढाई लेखाइमा पनि प्रगति गर्न नसकिने देखिन्छ । मध्य महिनाबाट प्रेम प्रसङ्गमा सफलता मिल्नेछ । कुनै कुराले मनमा शान्ति छाउनेछ । वैदेशिक क्षेत्रबाट सफलता मिल्नेछ । भौतिक सम्पत्ति खरिद तथा बिक्रीको योग पनि छ । यो महिनाको लागि शुभ अङ्क ३,९ र शुभ रङ्ग पहेँलो वा हरियो हो । शुभ कर्म गर्नु पूर्व शंकर भगवानको स्मरण गरि कार्य आरम्भ गर्दा अत्यन्त लाभ प्राप्त हुनेछ ।
वि.सं.२०८१ श्रावण
श्रावण महिनामा कन्या राशिका लागि समग्रमा सकारात्मक महिना रहेको छ । परिवारसँग रमाइलो भेटघाट हुनेछ । इच्छा र आकाङ्क्षा पूर्ण हुने भएको छ । नयाँ व्यक्ति बिच सामीप्यता बढ्नेछ । महिनाको उत्तरार्धबाट मानसिक चिन्ता बढ्ला । महत्त्वपूर्ण अवसर गुम्न सक्नेछ । शेयर बजारबाट नोक्सानी पनि हुनसक्छ । यो महिनाको लागि शुभ अङ्क २,८ र शुभ रङ्ग खरानी वा सेतो हो । कुनै शुभकर्म गर्नु पूर्व वा यात्रामा जानु अघि आफ्नो पितृदेवताको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ श्रावण
श्रावण महिनामा तुला राशिका लागि सजिलै अरुको विश्वास जित्न सकिने र लाभ हुनेछ । कुनै कुराले मनमा शान्ति छाउनेछ । राजनैतिक र सामाजिक कार्यमा सफलता मिल्नेछ । अधुरा या नयाँ कार्यको थालनी हुनेछ । प्रेमसम्बन्ध र प्रणयप्रसङ्गका लागि पनि श्रेष्ठ समय छ । शेयर बजार र व्यापार व्यवसायमा भने औसत लाभ हुनेछ । यो महिनाको लागि शुभ अङ्क २,६ र शुभ रङ्ग हरियो वा खैरो हो । कुनै शुभकर्म गर्नु पूर्व वा यात्रामा जानु अघि आफ्नो कूल देवताको स्मरण गरि कार्य आरम्भ गर्दा अधिक सफलता मिल्नेछ ।
वि.सं. २०८१ श्रावण
श्रावण महिनामा वृश्चिक राशीका लागि सांगीतिक क्षेत्रमा महत्वपूर्ण उपलव्धि रहनेछ । कला र गलाको प्रभाव बढ्दै जानेछ । ठूला व्यक्तिले तपाईंको मेहनतको प्रशंसा गर्नेछन् । रोकिएको वैदेशिक कार्य अघि बढ्नेछ । ब्यापार व्यवसायबाट आम्दानी हुनेछ । सम्मान समेत पाइनेछ । नयाँ वस्त्र, उपहार र अलङ्कारको प्राप्ति हुनेछ । राजनैतिक कार्यमा सफलता मिल्नेछ । यो महिनाको लागि शुभ अङ्क ४,८ र शुभ रङ्ग हरियो वा घ्यूरङ्ग हो । कुनै शुभकर्म गर्नु पूर्व वा यात्रामा जानु अघि विघ्नहर्ता गणेशजीको पूजा अर्चना गरि गरेको कार्यबाट अधिक सफलता मिल्नेछ ।
वि.सं. २०८१ श्रावण
श्रावण महिनामा धनु राशिलाई त्यति राम्रो फल मिल्नेछैन । सरकारी निकायको भय रहला । घर परिवारमा झैझमेलाको अवस्था आउला । मध्य महिनाबाट सद्विचारले अभिप्रेरित हुनेहरूलाई बिस्तारै लाभ हुनेछ । कुटुम्बबाट विशेष सहयोग मिल्नेछ । शेयर बजारबाट राम्रो सफलता मिल्नेछ । वैदेशिक कार्यहरू सहजै सम्पादन हुनेछन् । यो महिनाको लागि शुभ अङ्क ३,५ र शुभ रङ्ग सेतो वा गुलाबी हो । कुनै शुभकर्म गर्नु अघि हनुमानजीको आरधना गरि यात्रा गर्नाले अधिक सफलता मिल्नेछ ।
वि.सं. २०८१ श्रावण
श्रावण महिना मकर राशीका लागि एकपछि अर्को अवसर आउनाले मन प्रसन्न रहनेछ । रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । नोकरी गर्नेले मानसम्मान पाउनेछन् । लगनशीलताले कामहरू अगाडि बढ्नेछन् । आत्मबल बढाएर काम गरेमा असफल भने भइँदैन तर महत्त्वाकाङ्क्षी योजना गोप्य राखेर अघि बढ्नुपर्छ । यो महिनाको लागि शुभ अङ्क १,३ र शुभ रङ्गे कालो वा पहेँलो हो । कुनै शुभकर्म गर्नु अघि महालक्ष्मीजीको स्मरण गरि कार्य गर्नाले अधिक सफलता मिल्नेछ ।
वि.सं. २०८१ श्रावण
श्रावण महिनामा कुम्भ राशीका लागि अध्ययन कार्य उत्साहजनक रहनेछ । विद्यार्थीहरूको सफलताको राम्रो सम्भावना छ । सुन्दर पहिरनले व्यक्तित्वमा निखारता ल्याउनेछ । दाम्पत्य जीवन सुखमय हुनेछ । हर्ष र प्रसन्नताका बीचमा समय व्यतीत हुनेछ । सामाजिक तथा धार्मिक कार्यमा रुचि बढ्नेछ । प्रेमसम्बन्धका लागि पनि श्रेष्ठ समय रहेको छ । यो महिनाको लागि शुभ अङ्क ४,९ र शुभ रङ्ग सेतो वा निलो हो । कुनै शुभकर्म गर्नु पूर्व वा यात्रामा जानु अघि लक्ष्मी नारायणको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ श्रावण
श्रावण महिनामा मीन राशिका लागि शैक्षिक क्षेत्रमा सफलता मिल्नेछ । कसैकसैका लागि सन्तान प्राप्तिको समेत योग छ । रोकिएका काम पुनः सुरु हुन सक्छन् । लामो यात्रा सुखद् र सफल हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । व्यवसायिक काममा राम्रै फड्को मार्न सकिनेछ । यो महिनाको लागि शुभ अङ्क ५,९ र शुभ रङ्ग पहेँलो वा पर्पल हो । कुनै शुभ कर्म गर्नु पूर्व वा यात्रामा जानु अघि शिवजीको ध्यान गरि कार्य आरम्भ गर्दा अधिक लाभ हुनेछ ।