फाल्गुन १९, २०८०, Khotang
हलेसीन्युजडेस्क, खोटाङ /
खोटाङको जन्तेढुंगा गाउपालिका स्थायी घरभै हाल विभिन्न प्रयोजनका लागि उपत्यकाका तीनै जिल्लाहरु काठमाण्डौ, ललितपुर तथा भक्तपुरमा बस्दै आएका नागरिकहरुको जन्तेढुंगा गाउपालिका र त्यहाँका जनताको समृद्धि तथा विकासका लागि काठमाण्डौँमा वृहत छलफल सम्पन्न भएको छ । गाउपालिका अध्यक्ष अरुणादेवी राईको अध्यक्षता तथा प्रतिनिधि सभा सदस्य रामकुमार राई पासाङको प्रमुख आतिथ्यतामा आज काठमाण्डौँस्थित निजामती कर्मचारी युनियन संघको केन्द्रिय कार्यालय ववरमहलमा जन्तेढुंगा गाउपालिका स्थायी घर भै हाल उपत्यकाभित्र विविध प्रयोजनले रहदै आएका नागरिकहरुवीच छलफल सम्पन्न भएको हो ।
पालिका उपाध्यक्ष खेमबहादुर खड्काले आजको भेलाको औचित्य र विषयवस्तुका वारेमा प्रकाश पार्नु भएको थियो । उहाँका अनुसार भेलाले काठमाण्डौँमा रहदै आएका जन्तेढुंगावासी नागरिकहरु विविध विचार, शिद्धान्त र दलसँग आवद्ध भए पनि पालिकाको विकास र समृद्धिका लागि एक भएर सरोकार पक्षहरुलाई झकझकाउन एकतावद्ध रहनुपर्ने निष्कर्ष निकाल्दै विभिन्न सरकारी कार्यालयका साथै सरकारी/गैर सरकारी निकायहरुमा पहल गर्ने प्रतिवद्धता जाहेर भएको छ ।
चिसापानीबाट छोटो दुरिमा उदयपुरलाई जोड्ने सडकवीच पर्ने सुनकाशीमा शिलन्यास गरिएको वंशिलाघाट पुलको निर्माणमा भैरहेको अत्यधिक ढिलाई प्रति सरकारको ध्यानाकर्षण गराउनुपर्ने विषय पनि छलफलमा उठेको थियो । त्यस्तै वंशिलाघाटदेखि चिसापानीसम्म खनिएको सडकको स्तरोन्नतीमा प्रदेश तथा संघीय सरकारले सहयोग नगरिरहेको तर्फ भेलाले चर्चा गर्दै माथिल्ला तहका सरकारको ध्यानाकर्षण गराउनुपर्ने निष्कर्ष निकालिएको थियो ।
छलफलमा बोल्दै प्रतिनिधि सभा सदस्य राईले जन्तेढुंगा गाउँपालिकाको विकास निर्माणमा खोटाङको निर्वाचित जनप्रतिनिधिको हैसियतले आफू सधैँ जन्तेढुंगावासीहरुको साथमा रहने र आफूले सकेको हरप्रयासलाई जारी राख्ने बताउनुभयो ।
भेलामा नेपाली कांग्रेसका पूर्व जिल्ला सचिव तथा पूर्व महासमिति सदस्य महेन्द्रकुमार कटुवाल, वडा नं. ६ दिप्लुङ निवासी हाल महालेखा परिक्षक कार्यालयका सहसचिवमा कार्यरत श्रीकुमार राई, वडा नं. ५ निवासी कृषि तथा स्वास्थ्य अभियन्ता देबेन्द्र बस्नेत, नेपाली कांग्रेस जन्तेढुंगा गाउपालिकाका सभापति वाजिन्द्र विष्ट, वडा नं. २ वोपुङका सामाजिक/साँस्कृतिक अभियन्ता नारदमणि राई, जन्तेढुंगा गाउपालिका वडा नं. १ देविस्थानका कृषि अभियन्ता परसु राई, वडा नं. ५ घोर्लेका कृषि तथा स्वास्थय अभियन्ता सुधिर राईलगायत विभिन्न पेशा र क्षेत्रमा आवद्ध नागरिकहरुको उपस्थिति रहेको थियो ।
हलेसीन्युजडेस्क, खोटाङ / साइनो कला केन्द्र खोटाङले हरेक शुक्रवार साँझमा सांगीतिक...
हलेसीन्युजडेस्क, खोटाङ / खोटाङको साकेला गाउँपालिकाले समग्र शैक्षिक अवस्था सुधारका लागि...
हलेसीन्युजडेस्क, खोटाङ / खोटाङको साकेला गाउँपालिका–१ बाँझेच्यानडाँडामा ट्याक्टर दुर्घटना हुँदा एकजनाको...
हलेसीन्युजडेस्क, खोटाङ / आज साउन महिनाको पहिलो दिन, बिक्रम सम्बतको पात्रो...
हलेसीन्युजडेस्क, खोटाङ / खोटाङमा एसईईमा मौका परीक्षा दिन पाउने विध्यार्थीहरुलाई लक्षित...
सैद्धान्तिक विचारका हिसावले सैद्धान्तिक विमति छ रामजीसँग । तर व्यवहार...
वि.सं. २०८१ श्रावण
श्रावण महिनामा मेष राशीका लागि मिश्रित फल मिल्नेछ । आफ्नो अधिकार प्राप्तिको लागि संघर्ष गर्नु पर्नेछ । व्यर्थको हैरानी पनि खेप्नु पर्नेछ । १७ गतेबाट लाभदायक यात्राको सम्भावनालाई नकार्न सकिँदैन । चलाखीपूर्ण बोलीले सङ्कल्प सिद्ध हुनेछ । ठीक समयमा सही निर्णय लिन सकिनेछ । परिश्रमअनुसार उपलब्धि पनि राम्रै पाइनेछ । यो महिनाको लागि शुभ अङ्क १,७ र शुभ रङ्ग पहेँलो वा रातो हो । कुनै शुभकर्म गर्नु पूर्व वा यात्रामा जानु अघि नवग्रहको स्मरण गरि कार्य आरम्भ गर्दा शुभ फल प्राप्त हुनेछ ।
वि.सं.२०८१ श्रावण
साउन महिनामा वृष राशीलाई सूर्यको गोचरले भाग्य वृद्धि र शक्तिशाली बनाउनेछ । कला र गलाको प्रभाव बढ्नेछ । नयाँ उद्योग वा रचनात्मक काममा जुट्ने समय छ । ठूला व्यक्तिले तपाईंको मेहनतको प्रशंसा गर्नेछन् । २२ गतेबाट सामाजिक र राजनैतिक कार्यमा बाधा आउनसक्छ । भ्रमण, स्वास्थ्यमा तथा सौन्दर्यतामा धन खर्च हुनेछ । यो महिनाको लागि शुभ अङ्क १,६ र शुभ रङ्ग निलो वा रातो हो । कुनै शुभ कर्म गर्नु पूर्व विघ्नहर्ता गणेशजीको पूजा अर्चना गरि गरेको कार्यबाट अधिक सफलता मिल्नेछ ।
वि.सं. २०८१ श्रावण
श्रावण महिनामा मिथुन राशीलाई शैक्षिक क्षेत्रमा सफलता मिल्नेछ । छरछिमेकमा सम्पन्न हुने धार्मिक तथा सांस्कृतिक गतिविधिमा संलग्न हुनु पर्नेछ । विपरीत वर्ग प्रति आकर्षण बढ्नेछ । वैदेशिक क्षेत्रबाट पनि सफलता मिल्नेछ । मध्य महिनाबाट बाटो काट्दा वा यात्रा गर्दा सचेत हुनुपर्छ । आफ्नो विचार विपरित निर्णय हुनेछ । अनावश्यक खर्च पनि बढ्न सक्छ । यो महिनाको लागि शुभ अङ्क ६,९ र शुभ रङ्ग हरियो वा गुलाबी हो । कुनै शुभकर्म गर्नु पूर्व श्रीकृष्ण भगवानको स्मरण गरि कार्य आरम्भ गर्दा राम्रो हुनेछ ।
वि.सं. २०८१ श्रावण
श्रावण महिनामा कर्कट राशीलाई आफ्नै दक्षतामा विभिन्न कार्यहरू सम्पन्न हुने योग छ । आर्थिक र व्यवसायिक समस्या समाधान हुनेछन् । विशिष्ट व्यक्तिको भेटघाटले मन प्रसन्न हुनेछ । लामो समयदेखि रोकिएका अधुरा कामहरू पुरा हुनेछन् । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । यो महिनाको लागि शुभ अङ्क ४,५ र शुभ रङ्ग रातो हो । कुनै शुभकर्म गर्नु पूर्व विष्णु भगवानको दर्शन गरि कार्य आरम्भ गर्दा अधिक सफलता मिल्नेछ ।
वि.सं. २०८१ श्रावण
श्रावण महिनामा सिंह राशिका लागि केही स्वास्थ्यमा तनाव रहने देखिन्छ । विशेष नाक तथा घाँटीमा समस्या आउला । नयाँ योजना कार्यान्वयनमा ल्याउन मुस्किल पर्ला । पढाई लेखाइमा पनि प्रगति गर्न नसकिने देखिन्छ । मध्य महिनाबाट प्रेम प्रसङ्गमा सफलता मिल्नेछ । कुनै कुराले मनमा शान्ति छाउनेछ । वैदेशिक क्षेत्रबाट सफलता मिल्नेछ । भौतिक सम्पत्ति खरिद तथा बिक्रीको योग पनि छ । यो महिनाको लागि शुभ अङ्क ३,९ र शुभ रङ्ग पहेँलो वा हरियो हो । शुभ कर्म गर्नु पूर्व शंकर भगवानको स्मरण गरि कार्य आरम्भ गर्दा अत्यन्त लाभ प्राप्त हुनेछ ।
वि.सं.२०८१ श्रावण
श्रावण महिनामा कन्या राशिका लागि समग्रमा सकारात्मक महिना रहेको छ । परिवारसँग रमाइलो भेटघाट हुनेछ । इच्छा र आकाङ्क्षा पूर्ण हुने भएको छ । नयाँ व्यक्ति बिच सामीप्यता बढ्नेछ । महिनाको उत्तरार्धबाट मानसिक चिन्ता बढ्ला । महत्त्वपूर्ण अवसर गुम्न सक्नेछ । शेयर बजारबाट नोक्सानी पनि हुनसक्छ । यो महिनाको लागि शुभ अङ्क २,८ र शुभ रङ्ग खरानी वा सेतो हो । कुनै शुभकर्म गर्नु पूर्व वा यात्रामा जानु अघि आफ्नो पितृदेवताको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ श्रावण
श्रावण महिनामा तुला राशिका लागि सजिलै अरुको विश्वास जित्न सकिने र लाभ हुनेछ । कुनै कुराले मनमा शान्ति छाउनेछ । राजनैतिक र सामाजिक कार्यमा सफलता मिल्नेछ । अधुरा या नयाँ कार्यको थालनी हुनेछ । प्रेमसम्बन्ध र प्रणयप्रसङ्गका लागि पनि श्रेष्ठ समय छ । शेयर बजार र व्यापार व्यवसायमा भने औसत लाभ हुनेछ । यो महिनाको लागि शुभ अङ्क २,६ र शुभ रङ्ग हरियो वा खैरो हो । कुनै शुभकर्म गर्नु पूर्व वा यात्रामा जानु अघि आफ्नो कूल देवताको स्मरण गरि कार्य आरम्भ गर्दा अधिक सफलता मिल्नेछ ।
वि.सं. २०८१ श्रावण
श्रावण महिनामा वृश्चिक राशीका लागि सांगीतिक क्षेत्रमा महत्वपूर्ण उपलव्धि रहनेछ । कला र गलाको प्रभाव बढ्दै जानेछ । ठूला व्यक्तिले तपाईंको मेहनतको प्रशंसा गर्नेछन् । रोकिएको वैदेशिक कार्य अघि बढ्नेछ । ब्यापार व्यवसायबाट आम्दानी हुनेछ । सम्मान समेत पाइनेछ । नयाँ वस्त्र, उपहार र अलङ्कारको प्राप्ति हुनेछ । राजनैतिक कार्यमा सफलता मिल्नेछ । यो महिनाको लागि शुभ अङ्क ४,८ र शुभ रङ्ग हरियो वा घ्यूरङ्ग हो । कुनै शुभकर्म गर्नु पूर्व वा यात्रामा जानु अघि विघ्नहर्ता गणेशजीको पूजा अर्चना गरि गरेको कार्यबाट अधिक सफलता मिल्नेछ ।
वि.सं. २०८१ श्रावण
श्रावण महिनामा धनु राशिलाई त्यति राम्रो फल मिल्नेछैन । सरकारी निकायको भय रहला । घर परिवारमा झैझमेलाको अवस्था आउला । मध्य महिनाबाट सद्विचारले अभिप्रेरित हुनेहरूलाई बिस्तारै लाभ हुनेछ । कुटुम्बबाट विशेष सहयोग मिल्नेछ । शेयर बजारबाट राम्रो सफलता मिल्नेछ । वैदेशिक कार्यहरू सहजै सम्पादन हुनेछन् । यो महिनाको लागि शुभ अङ्क ३,५ र शुभ रङ्ग सेतो वा गुलाबी हो । कुनै शुभकर्म गर्नु अघि हनुमानजीको आरधना गरि यात्रा गर्नाले अधिक सफलता मिल्नेछ ।
वि.सं. २०८१ श्रावण
श्रावण महिना मकर राशीका लागि एकपछि अर्को अवसर आउनाले मन प्रसन्न रहनेछ । रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । नोकरी गर्नेले मानसम्मान पाउनेछन् । लगनशीलताले कामहरू अगाडि बढ्नेछन् । आत्मबल बढाएर काम गरेमा असफल भने भइँदैन तर महत्त्वाकाङ्क्षी योजना गोप्य राखेर अघि बढ्नुपर्छ । यो महिनाको लागि शुभ अङ्क १,३ र शुभ रङ्गे कालो वा पहेँलो हो । कुनै शुभकर्म गर्नु अघि महालक्ष्मीजीको स्मरण गरि कार्य गर्नाले अधिक सफलता मिल्नेछ ।
वि.सं. २०८१ श्रावण
श्रावण महिनामा कुम्भ राशीका लागि अध्ययन कार्य उत्साहजनक रहनेछ । विद्यार्थीहरूको सफलताको राम्रो सम्भावना छ । सुन्दर पहिरनले व्यक्तित्वमा निखारता ल्याउनेछ । दाम्पत्य जीवन सुखमय हुनेछ । हर्ष र प्रसन्नताका बीचमा समय व्यतीत हुनेछ । सामाजिक तथा धार्मिक कार्यमा रुचि बढ्नेछ । प्रेमसम्बन्धका लागि पनि श्रेष्ठ समय रहेको छ । यो महिनाको लागि शुभ अङ्क ४,९ र शुभ रङ्ग सेतो वा निलो हो । कुनै शुभकर्म गर्नु पूर्व वा यात्रामा जानु अघि लक्ष्मी नारायणको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ श्रावण
श्रावण महिनामा मीन राशिका लागि शैक्षिक क्षेत्रमा सफलता मिल्नेछ । कसैकसैका लागि सन्तान प्राप्तिको समेत योग छ । रोकिएका काम पुनः सुरु हुन सक्छन् । लामो यात्रा सुखद् र सफल हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । व्यवसायिक काममा राम्रै फड्को मार्न सकिनेछ । यो महिनाको लागि शुभ अङ्क ५,९ र शुभ रङ्ग पहेँलो वा पर्पल हो । कुनै शुभ कर्म गर्नु पूर्व वा यात्रामा जानु अघि शिवजीको ध्यान गरि कार्य आरम्भ गर्दा अधिक लाभ हुनेछ ।