हलेसीन्युजडेस्क, खोटाङ/

खोटाङको खोटोहाङ गाउँपालिकालाई पूर्ण खोप सुनिश्चितता गाउपालिका घोषणा गरिएको छ । १५ महिनादेखि ५९ महिना मुनिका गाउँ पालिका भित्रका सबै वालवालिकाहरुले पूर्णखोप लगाएको र ० देखि १५ महिना सम्मका वालवालिकाहरुले खोप लगाईराखेको सुनिश्चित भएसँगै जेष्ठ २८ गते सोमवार खोटेहाङ गाउँपालिकालाई आर्थिक वर्ष २०८०/०८१ को लागि पूर्णखोप सुनिश्चतता गाउँपालिका घोषणा गरिएको हो ।

गाउँपालिका अध्यक्ष उदिमबहादुर राईको अध्यक्षता तथा जिल्ला खोप समन्वय समितिका संयोजक एवं जिल्ला समन्वय समिति खोटाङका प्रमुख सनबहादुर राईको प्रमुख आतिथ्यतामा भएको पूर्ण खोप सुनिश्चितता घोषणा कार्यक्रममा गाउपालिकाभित्रका १५ महिनाभित्रका ७ सय ९४ जना वालवालिकालाई सबैप्रकारका खोप पुरा गरिएको जनाउदै पूर्ण खोप सुनिश्चितता गाउँपालिका घोषणा गरिएको थियो ।

वालवालिकालाई बिसिजी, दादुरा–रुबेला, पोलियो, जापनिज इन्सेफलाइटिस लगायतका १३ प्रकारका रोग विरुद्धको खोपको मात्रा पूर्णरुपमा लगाएको आधारमा सबै प्रकृया पूरा गरेसँगै खोटेहाङ गाउँपालिका पूर्णखोप सुनिश्चितता पालिका बनेको हो ।

यस अगाडि साकेला गाउँपालिका, हलेसीतुवाचुङ नगरपालिका, रावावेशी गाउँपालिका, दिक्तेल रुपाकोट मझुवागढी नगरपालिका पूर्णखोप सुनिश्चितता पालिका घोषणा भैसकेका छन् ।

 [ यो पनि-दिक्तेल रुपाकोट मझुवागढी पूर्णखोप सुनिश्चितता नगरपालिका घोषणा }