हलेसीन्युजडेस्क, खोटाङ /

खोटाङको दिप्रुङचुर्ईचुम्मा गाउँपालिका वडा नं.७ टेम्मामा खुल्ला साविक गाविस वडा (टोल)स्तरिय पुरुष तथा महिला भलिबल प्रतियोगिता आयोजना गरिने भएको छ । टेम्माको काहुले गाउँस्थित काहुले युवा क्लब (KYC) को आयोजनामा ‘स्वास्थ्यको लागि खेलकुद– राष्ट्रको लागि लागि खेलकुद’ भन्ने मूल नाराका साथ आसन्न बडादशै तथा शुभदिपावलिको पावन अवसरमा आगामी कार्तिक ६ गते देखि १० गते सम्म पुरुष तथा महिला भलिबल प्रतियोगिता सञ्चालन गर्न लागेको काहुले युवा क्लबका अध्यक्ष दिलिप मगरले हलेसी एफ एमलार्ई जानकारी दिनु भएको छ ।

भलिबल प्रतियोगिता खेल नकाउटको आधारमा खेलाइने भएको छ । साथै खेलाडी संख्या ६+३ र टिम कोच अनिवार्य हुनुपर्ने, खेलमा आवश्यक जर्सी अनिवार्य हुनुपर्ने, खेलाडीहरुले खेल समयमा धुम्रपान, मद्यपान गर्न नपाईने, खेल मैदान भित्र अशिष्ट, अस्लिल शव्द बोल्न नपाईने, खेलमा विवाद भएमा आयोजकको निर्णय अन्तिम निर्णय हुने,  खेलाडी साविक वडा (हालटोल) भित्रको मात्र हुनुपर्ने र जन्मदर्ता नागरिक्ताको फोटो सहितको कागजात अनिवार्य बुझाउनुपर्ने आयोजकले जनाएको छ । यदि खेलाडीहरुलाई चोटपटक लागेमा स्वयं जिम्मेवारी हुनुपर्ने भनिएको छ ।

भलिबल प्रतियोगिताका प्रथम, द्धितीय र तृतिय हुने बिजेताहरुलार्ई क्रमश रु ५० हजार, रु ३५ हजार र रु १५ हजारका साथमा ट्रफि, मेडल र प्रमाणपत्र प्रदान गरिनेछ । 

खेलमा उत्कृष्ट खेलाडि, च्याम्पियन खेलाडी र अनुशासित खेलाडीलार्ई रु १ हजार १ सय एघारका दरले जनही नगद पुरस्कार, मेडल र प्रमाणपत्र पदान गरिनेछ ।

यस्तै महिला तर्फ प्रथम, द्धितीय र तृतिय हुने बिजेताहरुलार्ई क्रमशः रु १० हजार, ७ हजार र ५ हजार नगद पुरस्कारका साथमा ट्रफि, मेडल र प्रमाणपत्र प्रदान गरिनेछ । 

साथै महिला तर्फ बिधागत पुरस्कारहरु उत्कृष्ट खेलाडी, च्याम्पियन खेलाडी र अनुशासित खेलाडीलार्ई जनही रु ५ सयका दरले नगद पुरस्कार, मेडल प्रमाणप्रत्र प्रदान गरिने जनाइएको छ ।

खेलमा सहभागी हुन चहने खेलाडिहरुले  पुरुष तर्फ रु. ३ हजार ५ सय  पाच, र महिला तर्फ  रु. १  हजार  पाच दर्ता शुल्क बुझाएर टिम दर्ता गराउन सक्नेछन् ।  इच्छुक खेलाडीहरुले आगामी कत्तिक ६ गते  १२ः०० बजे भित्र टिम दर्ता गराइ सक्नुपर्ने र दर्ता शुल्क टाईसिट बन्नु अघि बुझाइ सक्नुपर्ने खेल संयोजक पवन मगरले बताउनुभयो । उहाँका अनुसार दिप्रुङचुर्ईचुम्मा गाउँपालिका वडा नं.७ टेम्मा काहुलेस्थित जन जागृति आधारभुत बिद्यालयको खेल मैदानमा खेल सञ्चालन हुनेछ । 

(थप जनकारीका लागि— 
अध्यक्ष ः दिलिप मगर, सम्पर्क नम्वर—९७४९८६२८५, 
खेल संयोजकः पवन मगर, सम्पर्क नम्वर—९७४९२१९१९६ 
तथा रमेश मगर, सम्पर्क नम्वर ९८६२९५६९८५ मा सम्पर्क गरी बुझ्न सकिनेछ आयोजकः काहुले युवा क्लब -KYC

  [यो पनि — दिप्रुङचुइचुम्मा–७ टेम्मामा वडास्तरीय फुटबल प्रतियोगिता हुँदै ]