--------सोनाम सज्जन किराँती 

दमन विभेद उत्पिडन
यी तिनै अस्त्र मिलेर  
खुवालुङ फुटाउन खोजियो
यिनै नासो हुर्किएर
सभ्यता मेटाउन खोजियो
र आज खोजिदै छ 
अस्तित्व रेट्न
के हामी बिगतमा रेटिएका थिएनौं र
सत्ताबाट मेटिएका हैनौ र
प्रश्नहरु प्रश्न गर्न हतारमा छन
हामीले उत्तर कहिल्यै दिन सकेनौं

तर आज ईतिहाँसको यो 
निर्मम घडिमा उभिएर 
आफैंले आँफैलाई 
राम्रो संग ब्यूँझाएर
सचेतपुर्वक 
हाम्रो ईतिहाँसको समिक्षा गरिरहेछौं
र बोलिरहेछौ
आफ्ना रेटाई बिरुद्ध 
मेटाई बिरुद्ध

हामीले आफुलाई 
कहिल्यै बेईमानको सिंहासनमा उक्लेर
ईमान बेच्न तयार भएनौ
हामीले आफूलाई केन्द्रित गरेर
अरुको ध्वंस चाहेनौ

हाम्रा सोझा पाईलाहरु 
बलजफ्ती हिडाएर 
बादशाहको झिरमा फतफताईरहे 
हाम्रा भाषाहरुमा 
प्रतिबन्धको सियो लिएर 
कानुनले सिलाईरह्यो

र पनि हामी थुनिएको आवाजलाई
पहिचान हो भनेर नतमस्तक बोलेनौ
चुपचाप सहिदियौँ
गुपचुप उनकै भाषामा अल्मलिरह्यौँ
र बोल्यौँ अतिवादको सिकार 
पटक्कै बन्न हुदैन भनेर

फिटिक्कै जातीवाद ल्याउनु हुदैन 
तर ऊ भने 
शिक्षामा त्यहीँ भाषा ल्याउछ
अर्थमन्त्रालयको बजेट
उहीँ भाषाका निम्ति मात्र खन्याउँछ
र कर बराबर तिर्न सिकाउछ

के यो बर्बरता होईन
के यो विभेद होईन
के यो दमन होईन
के यो उत्पिडनको महासागर थिएन
हामीले जति पसिना बगायौ 
यो साझा राज्य उभ्याउन गलत थियोे त
अधिकार साझा बनाउन बोल्न उचित थिएन र
हकमा समानता हुनपर्छ भन्नु न्याय होईन र
यतिकै लागि उभिएका हौं र

यसो भन्दै गर्दा हामी माथि गोली चलाईन्छ
हामी माथि बम पड्काईन्छ
र सिंहासनमा लुकेर
हामी माथि अनेक षड्यन्त्रको 
जाल फिजाईन्छ

होसियार पहिचानका नाईकेहरु
यहीँ मुद्दा बोकाएर
तिमी पनि सिंहासनको दरबार नउक्ल
किनभने तिमी चढेको सिंहासनले
अब सच्चाई चिन्दैन
भत्काउछ निरन्तर 
र तिमी पुगेपछि तिमीलाई खरानी बनाउन
दागबत्तीको अगुल्टो झोसी दिनेछ
र उ काष्य यानेकी कोसीमा पाप पखालेर
हाम्रो काँचो मातृभाषाहरुलाई 
पुरातन एसिडले गलाउने छ 
सडाएर अस्तित्वहिन बनाउने छ

त्यसकारण आन्दोलन स्थगित होईन
सशक्त बनाएर जाऊ 
जतिसुकै मर्न किन नपरोस
मार्न किन नपरोस अन्तिम सम्म नझुक ।