हलेसीन्युजडेस्क, खोटाङ /

खोटाङकोे दिक्तेलरुपाकोट मझुवागढी नगरपालिकास्थित माटिकोरे कभर्ड हलमा ५ दिने योग विज्ञान शिविर शुरु भएको छ । अस्वस्थकर खानपान (मध्यपान, धुम्रपान लगायत अन्य कुलतका कारण), निष्कृय जीवनशैली (शारीरिक व्यायामको कमी) जस्ता कारण दीर्घरोग र नसर्ने रोगको सामना गरिरहनु परेको वर्तमान अवस्थामा स्वस्थ्य जीवनशैलीका लागि योगकक्षा मार्फत प्रवर्द्धनात्मक, निरोगात्मक, सचेतनामूलक क्रियाकलाप सञ्चालन गर्नेे उद्देश्यले दिक्तेल रुपाकोट मझुवागढी नगरपालिकाको आयोजनामा जेष्ठ १२ गतेबाट पाँच दिने योग विज्ञान शिविर शुरु भएको नगरप्रमुख तीर्थराज भट्टरार्ईले हलेसी एफएमलार्ई जानकारी दिनुभयो ।  

नगरप्रमुख भट्टराईका अनुसार जीवनशैलीका कारण सिर्जना हुने मधुमेह, उच्च रक्तचाप, क्यान्सर, हृदयाघात, मस्तिष्कघात, अम्लपित्त, क्यान्सर, मिर्गौलाको खराबी, दम, माइग्रेन, चिन्ता, डिप्रेसन, ढाड दुख्ने, उच्च बोसोपन, मोटोपना जस्ता रोग निवारणका लागि यो शिविरले ठूलो सहयोग गर्नेछ । शनिवारदेखि शुरु भएको योग कक्षामा शुरुको दिन बिहान ८४ जना सहभागी हुनु भएको थियो । 

योग शिविर अन्तर्गत प्रत्येक दिन विहान ५ बजे देखि ७ बजे सम्म जिल्लाको माटिकोरे  खेलमैदानको कभर्ड हलमा योग कक्षा सञ्चालन हुनेछ । योसँगै  दिउसो २ः३० देखि ४ बजेसम्म दिक्तेलबजारस्थित अम्बागाछीको गुठी भवनमा र बेलुकी ५ बजेदेखि ७ बजेसम्म रणभीम गण मुढेब्यारेकमा पनि कक्षा सञ्चालन हुने बताइन्छ । 

नगर प्रमुख भट्टराई भन्नुहुन्छ–‘योग शिक्षाका वारेमा विभिन्न बिध्यालयहरुमा गएर  बिध्यार्थीहरुवीच पनि छलफल/अन्तरक्रिय कार्यक्रम सञ्चालन गरिने र सबैलार्ई योग कक्षामा सहभागी हुन उत्प्रेरित गराउने नगरपालिकाको सोच रहेको छ ।’

आजदेखि शुरु भएको योग शिविरमा पतञ्जली योग समिति कोशी प्रदेशका संयोजक योगगुरु मिष्टर प्रसाद चौधरीले योगा बिषयमा प्रशिक्षण दिनु हुनेछ भने पतञ्जली योग समिति खोटाङले प्राविधिक सहयोग गरेको छ । पतञ्जली योग समिति कोशी प्रदेशका संयोजक योग गुरु मिष्टर प्रसाद चौधरीले योगा प्रशिक्षणलाई दुरदराजसम्म पु-याउन आवस्यक रहेको बताउनु भयो ।

योग शिविरमा जनपद प्रहरी, सशस्त्र प्रहरी, नेपाली शेना लागायत अन्य सुरक्षा निकायका पदाधिकारीदेखि   सर्वसाधारण समेतको सहभागिता रहेको जनाइन्छ ।

                      योग शिविरका केही झलकहरु