चैत्र ६, २०८०, Khotang
हलेसीन्युजडेस्क, खोटाङ
खोटाङको रावाबेसी गाउँपालिका–४ डुम्रे धारापानीमा आगोलागी हुदा एक घर र मतान पूर्ण रुपमा जलेर नष्ट भएको छ । मंगलवार दिउँसो करिब २ः४० बजेको समयमा रावाबेसी गाउँपालिका–४ डुम्रेस्थित मण्डलीछापका भक्तबहादुर सुनुवारको दुर्ईतले फुसको छाना भएको घर र मतान पूर्णरुपमा जलेर नष्ट भएको जिल्ला प्रहरी कार्यालय खोटाङका प्रहरी नायब उपरिक्षक पुरुषोत्तम खड्काले जानकारी दिनुभयो ।
घरमा वृद्धवृद्धा मात्र भएको समयमा एक्कासी आगो सुरु भएको थियो । प्रहरी चौकी डुम्रे र स्थानीयहरुको सहयोगमा आगो नियन्त्रणमा लिइएको रावाबेसी गाउँपालिका–४ डुम्रेधारापानीका वडाध्यक्ष ज्ञानबहादुर पाण्डेले बताउनुभयो । आगो नियन्त्रणमा लिइए पनि भित्र भएका सबै समानहरु जलेर नष्ट भएको अध्यक्ष पाण्डेको भनाई छ । आगलागीबाट मानवीय क्षति भने नभएको जनाइएको छ ।
आगोलागीबाट सुनुवारको ढुंगा र माटोले बनेको दुईतले घर पूर्ण रूपमा नष्ट हुनुका साथै लत्ताकपडा, भाँडावर्तन, अन्नपात लगायतका सबै सामाग्री जलेर नष्ट हुँदा परिवारका सदस्यहरु विचल्लि हुन पुगेको वडाध्यक्ष पाण्डेले बताउनु भयो । अन्य सदस्यहरु घरमा नरहेको बेला आगोलागी भएको बुझ्नमा आएको छ । वरपर डढेलो पनि नभएको र घरमा बृद्धबृद्धामात्र भएको अवस्थामा एक्कासी आगलागी हुदा घरको विध्युतीय लाइन शर्ट भएर यस्तो घटना घट्न पुगेको हुनसक्ने अनुमान गरिएको छ । आगलागीबाट के कति क्षति भयो भन्ने हालसम्म एकिन हुन नसकेको जिल्ला प्रहरी कार्यालय खोटाङले जानकारी दिएको छ ।
हलेसीन्युजडेस्क, खोटाङ (www.halesifm.com.np मा केहीवेर अगाडि प्रकाशित संक्षिप्त समाचार लामो खडेरीका...
हलेसीन्युजडेस्क, खोटाङ / खोटाङको जन्तेढुंगा गाउँपालिका वडा नं. २ वोपुङमा एक...
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिकाका सबै वडाहरुमा तोकिएको...
हलेसीन्युजडेस्क, खोटाङ खोटाङका स्थानीय तहमा गठित न्यायिक समितिका पदाधिकारी र सरोकारवालाबीच...
हलेसीन्युजेस्क, खोटाङ खोटाङको हलेसी तुवाचुङ नगरपालिका–९ सल्लेमा डढेलोका कारण वस्तिका केही...
वि.सं. २०८१ बैशाख
मेषराशीका लागि बैशाख महिना आम्दानी बढ्ने र उठ्नुपर्ने रकम हातलागी हुने समय छ । ज्ञान सिक्ने मौका मिल्नुका साथै नयाँ कार्यको योजना बन्नेछ । श्रम र इमानदारिताको उचित मूल्याङ्कन हुनेछ । सामाजिक र राजनैतिक क्षेत्रबाट सफलता मिल्नेछ । नयाँ आफन्तहरूसँग भेटघाट, रमणीय र सुखद् यात्राको योग पनि रहेको छ । यो महिनाको लागि शुभ अङ्क ३, १० र शुभरङ्ग रातो वा गुलाबी हो । कुनै शुभकर्म गर्नु पूर्व वा यात्रामा जानु अघि विघ्नहर्ता गणेशजीको दर्शन गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
वृष राशीका लागि बैशाख महिनाको सुरुका दिन त्यति राम्रो देखिँदैन, कार्यमा बाधा आउनसक्छ । व्यर्थको सास्ती खेप्नु पर्ला । सपना पनि नराम्रो देखिन सक्छ । मध्य महिनाबाट भने सद्विचारले अभिप्रेरित हुनेहरूलाई बिस्तारै बढी लाभ हुनेछ । साथी भाइको भेटघाटले मन प्रसन्न रहने र मन मिल्ने साथीको सहयोग पाइनेछ । प्रतिष्ठित काम गर्ने मौका छ । नाम, दाम, इनाम र प्रतिष्ठा कमाउने बेला छ । यो महिनाको लागि शुभ अङ्क २,९ र शुभ रङ्ग पहेँलो वा नीलो हो । कुनै शुभकर्म गर्नु अघि हनुमानजीको स्मरण गरि कार्य आरम्भ गर्नाले सफलता मिल्नेछ ।
वि.सं. २०८१ बैशाख
मिथुन राशीका लागि बैशाख महिनामा लामो समयदेखि रोकिएका अधुरा कामहरू पूरा हुनेछन् । स्वादिष्ट भोजनको आनन्द समेत पाइएला । पढाई लेखाइमा उल्लेख्य सुधार आउनेछ । शत्रु र रोगबाट छुटकारा मिल्नेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । विशेषगरि विदेशिएका विद्यार्थीहरूले सफलता हासिल गर्नेछन् । मुद्दामामिलामा पनि विजयी भइनेछ । यो महिनाको लागि शुभ अङ्क ४,५ र शुभ रङ्ग सेतो वा केशरी हो । कुनै शुभकर्म गर्नु पूर्व वा यात्रामा जानु अघि विष्णु भगवानको दर्शन गरि कार्य आरम्भ गर्दा लाभ मिल्नेछ ।
वि.सं. २०८१ बैशाख
कर्कट राशीका लागि बैशाख महिनामा आफ्नो क्षेत्रमा सफलता हासिल गर्न सहजता हुनेछ । विश्वास गरेकाले साथ दिनेछन् । मन पर्ने वस्त्र, अलङ्कार आदि उपहार पाइने योग छ । भ्रमण र तीर्थाटनको योग पनि रहेको छ । नजिकको व्यक्तिको सहयोगबाट कार्य पुरा हुनेछ । मध्य महिनामा धन र समयको नोक्सानी हुनेछ । प्रशंसकहरूले पनि आलोचना गर्नसक्छन् । यो महिनाको लागि शुभ अङ्क २,७ र शुभ रङ्ग सेतो वा पहेँले हो । कुनै शुभकर्म गर्नु पूर्व वा यात्रामा जानु अघि सूर्य भगवानको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ बैशाख
सिंह राशीका लागि बैशाख महिना उत्साहवर्दक नै रहनेछ । नयाँ ज्ञान प्राप्त हुने योग रहेको छ । पशुपालनमा त्यति लाभ नभए पनि व्यापारमा प्रशस्त फाइदा हुने योग छ । आफन्तहरू सँग भेटघाट हुनेछ । स्थानान्तरण र देश विदेशको भ्रमण हुनेछ । ठूला व्यक्तिले तपाईंको मेहनतलाई प्रशंसा गर्नेछन् । कृषि तथा तर अनावश्यक धन र परिश्रम पनि खर्च हुने र स्वास्थ्य बिग्रनसक्छ । यो महिनाको लागि शुभ अङ्क ५,८ र शुभ रङ्ग खैरो वा हरियो हो । कुनै शुभकर्म गर्नु पूर्व पितृ देवको स्मरण गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
कन्या राशिका लागि बैशाख महिनामा नयाँ योजना कार्यान्वयनमा ल्याउन मुस्किल पर्नसक्छ र विगतका समस्या बल्झिन सक्छन् । सवारीसाधनको प्रयोग गर्दा सावधानी अपनाउनु पर्नेछ । मध्य महिनाबाट भने समय उत्साहवर्द्धक रहनेछ । वैदेशिक क्षेत्रका अधुरा कार्य पूरा हुन सक्छ । नयाँ वस्त्र, अलंकार तथा धन सम्पत्ति समेत हात पर्ने योग रहन्छ । यो महिनाको लागि शुभ अङ्क २,७ र शुभ रङ्ग खैरो वा सेतो हो । शुभकर्म गर्नु पूर्व बगलामुखीको स्मरण गरि कार्य आरम्भ गर्दा राम्रो हुनेछ ।
वि.सं. २०८१ बैशाख
तुला राशीका लागि बैशाख महिनामा नयाँ कार्यको प्रारम्भ गर्न सकिनेछ । ठूला व्यक्तिले तपाईंको मेहनतलाई प्रशंसा गर्नेछन् र भेटघाटले मन प्रसन्न हुनेछ । स्थानान्तरण र लामो यात्राको सम्भावना छ । रोकिएको ठाउँबाट आकस्मिक धन लाभ हुनेछ । महिनाको अन्त्यमा बोलीको विपरीत अर्थ लाग्न सक्छ । सेयर बजारमा केही उतारचढाव हुनेछ । यो महिनाको लागि शुभ अङ्क १,८ र शुभ रङ्ग गुलाबी सेतो वा निलो हो । कुनै शुभकर्म गर्नु पूर्व वा यात्रामा जानु अघि महा लक्ष्मीजीको दर्शन गरि कार्य आरम्भ गर्दा अधिक सफलता प्राप्त हुनेछ ।
वि.सं. २०८१ बैशाख
वृश्चिक राशीका लागि बैशाख महिनामा जोशजाँगर र हिम्मत बढ्नेछ । चलाखीपूर्ण बोली र कामले कार्यहरू सफल हुनेछन् । शुभ र मङ्गल कार्यको योग पनि छ । वाहन लाभ हुने समय आएको छ । व्यापार तथा उद्योगतर्फ सामान्य फाइदाको योग छ । मध्य महिनामा भने प्रतिस्पर्धीहरूको चलखेल बढ्नाले केही चुनौती सामना गर्नुपर्ला । अनावश्यक आरोप लाग्ने र धनमाल हराउने योग भएकाले सजग रहनुहोला । यो महिनाको लागि शुभ अङ्क ५,८ र शुभ रङ्ग रातो वा नीलो हो । कुनै शुभकर्म गर्नु पूर्व शिवजीको स्मरण गरि कार्य आरम्भ गर्दा अधिक लाभ हुनेछ ।
वि.सं. २०८१ बैशाख
धनु राशी भएकाहरुलाई बैशाख महिनामा विद्या, बुद्धि र सन्तान सुख मिल्नेछ । नयाँ सवारी साधन प्राप्तिको योग छ । दाम्पत्य जीवन सुखद तथा समृद्ध बन्ने देखिन्छ । आम्दानी प्रशस्तै बढ्नेछ । आफ्नो पेशामा बढुवा तथा सरुवाको योग पनि रहेको छ । महिनाको अन्त्यमा अनावश्यक झन्झट तथा झमेलाको सामना गर्नुपर्नेछ । प्रेम र मित्रताको बन्धनमा मनमुटाव बढ्न सक्छ, बोल्दा विचार पुर्याउनु पर्छ । यो महिनाको लागि शुभ अङ्क ४,७ र शुभ रङ्ग सेतो हो । कुनै शुभकर्म गर्नु पूर्व भैरवजीको दर्शन गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मकर राशी हुनेहरुका लागि बैशाख महिनामा मान र सम्मानमा आघात पर्न सक्छ । स्वस्थ प्रतिकूल हुन सक्छ । शैक्षिक क्षेत्रबाट इच्छित प्रतिफल नमिल्ला । प्रशंसकहरूले पनि आलोचना गर्नसक्छन् । महिनाको उत्तरार्धमा भने रमाइलो यात्रा हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । शेयर बजार र वैदेशिक कार्यमा विशेष सफलता मिल्नेछ । यो महिनाको लागि शुभ अङ्क ३, ९ र शुभरङ्ग हल्का पहेँलो वा हरियो हो । शुभकर्म गर्नु पूर्व महाकालीजीको स्मरण गरि कार्य आरम्भ गर्दा अधिक शुभ फल प्राप्त हुनेछ ।
वि.सं. २०८१ बैशाख
कुम्भ राशीका लागि बैशाख महिनामा इच्छा र आकांक्षा पूर्ण हुने भएको छ । गरेको कार्यमा सफलता पाइनेछ । साथीभाइको सहयोगले हिम्मत दिलाउनेछ । मन पर्ने वस्त्र, अलंकार आदि उपहार पाइनेछ । रोकिएका काम सम्पादन हुने र नयाँ काम पाइने योग पनि छ । शुभ, मङ्गल र नयाँ कार्यको योग छ । स्वादिष्ट भोजनको आनन्द समेत पाइएला । प्रेम सम्बन्धमा मधुरता मिल्नेछ । यो महिनाको लागि शुभ अङ्क ३,८ र शुभ रङ्ग सेतो वा नीलो हो । कुनै शुभकर्म गर्नु अघि आफ्नो कुलदेवताको आरधना गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मीन राशीका लागि बैशाख महिनामा पारिवारिक जमघटमा मन रमाउनेछ । विशिष्ट व्यक्तित्वसँग भेटघाट हुनेछ । छरछिमेकमा सम्पन्न हुने धार्मिक र शुभ कार्यमा संलग्न हुनु पर्नेछ । न्यायिक कार्यमा सफलता मिल्नेछ । मध्य महिनाबाट पारिवारिक स्वास्थ्यमा समस्या आई औषध उपचारमा खर्च बढ्नेछ, अतः ऋण र रोगको भय हुनेछ । तपाईँका प्रतिद्वन्दी पनि बढ्न सक्छन् । यो महिनाको लागि शुभ अङ्क ३, ७ र शुभ रङ्ग हरियो वा गुलाबी हो । कुनै शुभकर्म गर्नु पूर्व महादेवको आरधना गरि कार्य आरम्भ गर्दा अधिक लाभ मिल्नेछ ।
अध्यक्ष :
प्रवन्ध निर्देशक
नि.स्टेशन म्यानेजर :
कार्यक्रम संयोजक
समाचार शाखा प्रमुख
Copyright © 2023 All rights reserved by Halesi FM.
Designed & Developed by: AB Group (P.) Ltd.
