सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा || सूचना र संचारको जगतमा - सामुदायिक रेडियो हलेसी एफ.एम. तपाईहरुकै साथमा

  • बुधबार, फागुन १०, २०७९
  • ०३:२०:५७
Profile Image

सुनिल श्रेष्ठ

आश्वीन ११, २०८०, Khotang

Image

मन्त्रिको आश्वासन र समन्वय प्रमुखको चिन्ता

हलेसीन्युजडेस्क, खोटाङ /

जिल्ला समन्वय समिति खोटाङका प्रमुख सनबहादुर राईलाई बुधवार अपरान्ह १ वजेतिर आएको एक कल मोवायल फोनले चिन्ता थपिदिएको छ । प्रदेश खानेपानी, सिँचाई, उर्जा तथा स्वास्थ्य मन्त्रि तिल कुमार मेन्याङ्वोले बुधवार अपरान्ह १ वजेतिर उहाँलाई फोन सम्पर्क गर्दा शुरुमा उहाँ जति उत्साही देखिनुभयो, तर फोनबाट आएको शन्देस सुनेर उहाँ थप चिन्तामा पर्नु भएको हो ।

समन्वय प्रमुख राईलाई भेट्न उहाँकै कार्यकक्षमा पुगेका एक सेवाग्राहीका अनुसार मन्त्रि मेन्याङ्वोको फोन कल आउँदा उहाँको चेहरा निकै प्रफुल्लित देखियो, तर फोनमा कुरा हुँदा हुँदै उहाँको चेहरामा असन्तुष्टि र चिन्ताको भाव स्पष्ट देखिन थाल्यो । उताको आवाज सुन्न नसकिए पनि उहाँ चिन्तित हुदै भनिरहनु भएको थियो–‘पहिले अर्को डाक्टर पठाइदिनुस, अनि मात्र यहाँको डाक्टरलाई हामी रवाना दिनेछौँ । ….. यो त खोटाङवासीलाई धोका हुन्छ मन्त्रिज्यु । ....म अष्पताल व्यवस्थापन समितिको साथीहरुसँग पनि छलफल गर्छु मन्त्रिज्यु ।’ 

मन्त्रि मेन्याङवो र समन्वय प्रमुखवीच भएको छोटो कुराकानी जिल्ला अस्पताल खोटाङका डाक्टर गौतम मण्डललाई सरुवा गरिएको विषय थियो । गत अशोज ४ गते दिक्तेल आउँदा जिल्ला अस्पतालको अनुगमन तथा निरिक्षण गरी फर्किएपछि जिल्लामा थप डाक्टर उपलव्ध हुने र यहाँको चिकित्सा सेवामा गुणस्तरीयता थपिने जिल्लावासीको अपेक्षा थियो । तर यहाँ कार्यरत छात्रवृत्ति करारका मेडिकल अधिकृत एमवीवीएस(आठौँ) गौतम मण्डललाई जिल्ला अष्पताल तेह्रथुममा सरुवा गरिएको पत्र आएपछि उहाँलाई रवाना दिने कि नदिने अष्पताल द्धिविधामा परेको छ । यही विषयमा मन्त्रिले समन्वय प्रमुखलाई बुधवार फोन सम्पर्क गरी तुरुन्त डा. मण्डललाई रवाना दिन भनेपछि समन्वय प्रमुख राईले मन्त्रिको अनुरोध तत्काल स्विकार्न नसक्ने बताउनुभयो । अर्को राम्रो डाक्टर पठाउने मन्त्रि मेन्वाङ्वोको प्रतिवद्धतामा पनि विश्वास गरिहाल्ने आधार नभएपछि शुक्रवार अष्पताल व्यवस्थापन समितिको बैठक बोलाएर यस सम्बन्धमा निर्णय लिने प्रमुख राईले बताउनुभयो ।

अष्पताल श्रोत भन्छ–‘अष्पतालमा विरामीहरुको चापलाई हेर्दा यहाँ भएका जनशक्तिले समेत भ्याउन सकिरहेका छैनन् । गौतम समेत छात्रवृत्ति करारका एमडिजिपी चतरानन्द यादव, एमविविएस मेडिकल अधिकृत पुस्कल राई, शिद्धार्थ शाह, अर्जुन खतिवडा (डेण्टलतर्फ) र निकसाइमनबाट सुनिल कुमार शाह कार्यरत हुनुहुन्छ ।’

यतिले पनि पर्याप्त सेवा दिन कठिनाई भएर व्यापक जनगुनासो आइरहेको वेला प्रदेशका सम्बन्धित मन्त्रि जिल्ला आउनुहुदा अष्पतालको पनि अनुगमन गर्न भियाउनुभयो । जिल्ला समन्वय प्रमुख, नगरप्रमुख, प्रमुख जिल्ला अधिकारी लगायत सरोकारवालाहरुबाट यहाँको ;संवेदलनशिल अवस्थाको वारेमा जानकारी गराउदै एक जना पनि स्थायी डाक्टर नहुँदा अस्पताल अस्तब्यस्त रहनुका साथै श्रावण महिनाबाट आर्थिक करोवार ठप्प भएकोे अवस्थाको जानकारी गराउदै स्थायी डाक्टर अविलम्व पठाउन अनुरोध गरिएको थियो । मन्त्रिबाट आश्वासन प्राप्त भयो । तर उहाँ फर्किए लगत्तै अर्को राम्रो डाक्टर पठाइदिने उधारो आश्वासन सँगै यहाँ कार्यरत डाक्टरको समेत सरुवा भैदिदा समन्वय प्रमुख राई थप चिन्तामा पर्नु स्वाभाविक हो । बुधवार मन्त्रिले उहाँलाई सरुवा भएको डाक्टर मण्डललाई तुरुन्त रवाना दिएपछि अर्को राम्रो डाक्टर पठाइदिने फोन आश्वासनले अझ चिन्ता थपिदिएको बताउनुहुन्छ ।

 उहाँ भन्नुहुन्छ– ‘रवाना दिएपछि यदि अर्को डाक्टर पाउन सकेनौँ भने जनताको अगाडि मैले के जवाफ दिने ? तसर्थ व्यवस्थापन समितिको बैठकमा गम्भिर छलफल गरेर निर्णयमा पुग्नेछौँ ।’ 
 
 

हलेसीन्युजडेस्क, खोटाङ / मकालु साहित्यिक समाज संखुवासभाको आयोजनामा पञ्चेबाजामा...

हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिका वडा नं. १...

हलेसीन्युजडेस्क, खोटाङ / खोटाङमा निर्धारित समय अगाडि नै काम सम्पन्न गर्ने...

हलेसीन्युजडेस्क, खोटाङ / नेपाल सरकारले लागू औषध दुरुपयोग तथा अवैध ओसारपसार...

हलेसीन्युजडेस्क, खोटाङ/ खोटाङको जन्तेढुंगा गाउँपालिका वडा नं. ५ चिसापानी, खुटास्थित वालोदय...

हलेसीन्युजडेस्क, खोटाङ / खोटाङको जन्तेढुंगा गाउँपालिकालाई पूर्ण खोप सुनिश्चितता गाउँपालिका घोषणा...

Horoscopes Icon

All Horoscopes