माघ २५, २०८०, Khotang
हलेसीन्युजडेस्क, खाटाङ /
खोटाङको साकेला गाउँपालिकाका अध्यक्ष रवि प्रकाश राईले यस वर्षको जन्मदिन स्थानीय सरकारहरुमध्यकै अरु भन्दा फरक शैलीबाट मनाउनुभएको छ । उहाँले आफ्नो जन्मदिनको अवसर पारेर बालबालिकाहरुलाई विद्यालयमै पुगेर एलसिडी ट्याबलेट उपलब्ध गराई आफ्नो जन्मदिन मनाउनु भएको हो ।
आफूले पाएको सेवा सुविधाबाट अध्यक्ष राईले पालिकाका भित्रका २२ वटा बालविकास केन्द्रमा अध्ययनरत २२० भन्दा बढी बालबालिकाहरुलाई राईटिङ ट्याब्लेट उपलब्ध गराउनुभएको छ साथै बालबालिकासँग खुशी साटासाट गर्दै आफ्नो जन्मदिन मनाउनुभएको हो । यसरी जन्मदिन मनाउने क्रममा अध्यक्ष राईले बुधबार आफ्नो जन्मस्थल र आफूले प्रारम्भीक शिक्षा सुरु गरेको चण्डेश्वरी आधारभूत विद्यालयमा पुगेर त्यहाँ अध्ययनरत बालबालिकालाई एलसिडी राईटिङ ट्याब्लेट उपलब्ध गराउनुभएको छ ।
वडा अध्यक्ष हेमन राई, विद्यालयका प्रअ तथा शिक्षक, अभिभावकहरु समेत उपस्थित कार्यक्रममा अध्यक्ष राईले आफूले पाउने सेवा सुविधाबाटै आफ्नो जन्मस्थलमा अवस्थित जहाँबाट आफूले प्रारम्भीक शिक्षा सुरु गरेको चण्डेश्वरी आधारभूत विद्यालय र सरस्वती आधारभूत विद्यालयको बालकक्षा र अन्य भौतिक व्यवस्थापनको मर्मत र व्यवस्थापन गरिदिने प्रतिवद्धता व्यक्त गर्नुभयो ।
शिक्षा समृद्धिको जग भएको हुँदा शिशु तहबाटनै बालबालिकालाई आधुनिकतासँग जोडेर शिक्षा प्रदान गर्नुपर्ने धारणा अनुरुप बालबालिकालाई उक्त ट्याब्लेट उपलब्ध गराईएको अध्यक्ष राईले बताउनुभयो । शिक्षा समृद्धिको जग हो जग बलियो भएन भने घर पनि बलियो हुँदैन, म सँग पैसा धेर भएर यो समाग्री वितरण गरिएको हैन, बालबालिकालाई शिशु अवस्थाबाट नै शिक्षाप्रतिको भावना उजागर गर्न र बच्चाको भविष्य सुधारको लागि सुरुवात गर्ने उद्देश्यका साथ एलसिडी राईटिङ ट्याब्लेट उपलब्ध गराईएको अध्यक्ष राईले बताउनुभयो । बालबालिकालाई प्रदान गरिएको यो ट्याब्लेट ठूलो हैन, सानो कुराले सकारात्मक कुराको थालनी हुने अपेक्षा सहित बालविकास कक्षामा अध्ययनरत बालबालिकालाई समाग्री प्रदान गरिएको बताउनुभयो । अध्यक्ष राईले प्रविधिमैत्री शिक्षा प्रदानका लागि पालिका प्रयत्नशिल भएको बताउनुभएको छ । अन्य बालविकास केन्द्रमा अध्ययनरत बालबालिकाहरुलाई भने शिक्षा शाखा संयोजक कविराज राई मार्फत विद्यालयका प्रधानाध्यापकहरुलाई उक्त एलसिडी राईटिङ ट्याब्लेट उपलब्ध गराईएको छ ।
अपाङ्गलाई ह्वीलचियर हस्तान्तरण
यसैबीच गाउँपालिका अध्यक्ष रविप्रकाश राईले आफ्नो जन्मदिनको अवसर परेर अपाङ्गता भएका व्यक्तिहरुलाई ह्वील चियर हस्तान्तरण गर्नुभएको छ । अपाङ्गता भएका व्यक्तिहरुको पुनस्थापनाको लागि साकेला गाउँपालिकामा सहकार्य गरिरहेको करुणा फाउण्डेसनको सहयोगमा साकेला गाउँपालिका २ रतन्छा निवासी चन्द्रकला राईलाई अध्यक्ष राईले घरमै पुगेर ह्वील चियर हस्तान्तरण गर्नुभएको छ । अर्का अपाङ्गता भएका सोही स्थानका सात वर्षिय सृष्टि राईलाई पनि घरमै पुगेर ह्वील चियर हस्तान्तरण गरिने अध्यक्ष राईले बताउनुभयो ।
पालिका अध्यक्ष राई विध्यार्थी भाइबहिनीहरुसँग आफ्नो जन्मोत्सव मनाउदैको क्षण
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिका–११ खार्मीमा सो क्षेत्रको...
हलेसीन्युजडेस्क, खोटाङ / साइनो कला केन्द्र खोटाङले हरेक शुक्रवार साँझमा सांगीतिक...
हलेसीन्युजडेस्क, खोटाङ / खोटाङको साकेला गाउँपालिकाले समग्र शैक्षिक अवस्था सुधारका लागि...
हलेसीन्युजडेस्क, खोटाङ / खोटाङको साकेला गाउँपालिका–१ बाँझेच्यानडाँडामा ट्याक्टर दुर्घटना हुँदा एकजनाको...
हलेसीन्युजडेस्क, खोटाङ / आज साउन महिनाको पहिलो दिन, बिक्रम सम्बतको पात्रो...
हलेसीन्युजडेस्क, खोटाङ / खोटाङमा एसईईमा मौका परीक्षा दिन पाउने विध्यार्थीहरुलाई लक्षित...
वि.सं. २०८१ श्रावण
श्रावण महिनामा मेष राशीका लागि मिश्रित फल मिल्नेछ । आफ्नो अधिकार प्राप्तिको लागि संघर्ष गर्नु पर्नेछ । व्यर्थको हैरानी पनि खेप्नु पर्नेछ । १७ गतेबाट लाभदायक यात्राको सम्भावनालाई नकार्न सकिँदैन । चलाखीपूर्ण बोलीले सङ्कल्प सिद्ध हुनेछ । ठीक समयमा सही निर्णय लिन सकिनेछ । परिश्रमअनुसार उपलब्धि पनि राम्रै पाइनेछ । यो महिनाको लागि शुभ अङ्क १,७ र शुभ रङ्ग पहेँलो वा रातो हो । कुनै शुभकर्म गर्नु पूर्व वा यात्रामा जानु अघि नवग्रहको स्मरण गरि कार्य आरम्भ गर्दा शुभ फल प्राप्त हुनेछ ।
वि.सं.२०८१ श्रावण
साउन महिनामा वृष राशीलाई सूर्यको गोचरले भाग्य वृद्धि र शक्तिशाली बनाउनेछ । कला र गलाको प्रभाव बढ्नेछ । नयाँ उद्योग वा रचनात्मक काममा जुट्ने समय छ । ठूला व्यक्तिले तपाईंको मेहनतको प्रशंसा गर्नेछन् । २२ गतेबाट सामाजिक र राजनैतिक कार्यमा बाधा आउनसक्छ । भ्रमण, स्वास्थ्यमा तथा सौन्दर्यतामा धन खर्च हुनेछ । यो महिनाको लागि शुभ अङ्क १,६ र शुभ रङ्ग निलो वा रातो हो । कुनै शुभ कर्म गर्नु पूर्व विघ्नहर्ता गणेशजीको पूजा अर्चना गरि गरेको कार्यबाट अधिक सफलता मिल्नेछ ।
वि.सं. २०८१ श्रावण
श्रावण महिनामा मिथुन राशीलाई शैक्षिक क्षेत्रमा सफलता मिल्नेछ । छरछिमेकमा सम्पन्न हुने धार्मिक तथा सांस्कृतिक गतिविधिमा संलग्न हुनु पर्नेछ । विपरीत वर्ग प्रति आकर्षण बढ्नेछ । वैदेशिक क्षेत्रबाट पनि सफलता मिल्नेछ । मध्य महिनाबाट बाटो काट्दा वा यात्रा गर्दा सचेत हुनुपर्छ । आफ्नो विचार विपरित निर्णय हुनेछ । अनावश्यक खर्च पनि बढ्न सक्छ । यो महिनाको लागि शुभ अङ्क ६,९ र शुभ रङ्ग हरियो वा गुलाबी हो । कुनै शुभकर्म गर्नु पूर्व श्रीकृष्ण भगवानको स्मरण गरि कार्य आरम्भ गर्दा राम्रो हुनेछ ।
वि.सं. २०८१ श्रावण
श्रावण महिनामा कर्कट राशीलाई आफ्नै दक्षतामा विभिन्न कार्यहरू सम्पन्न हुने योग छ । आर्थिक र व्यवसायिक समस्या समाधान हुनेछन् । विशिष्ट व्यक्तिको भेटघाटले मन प्रसन्न हुनेछ । लामो समयदेखि रोकिएका अधुरा कामहरू पुरा हुनेछन् । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । यो महिनाको लागि शुभ अङ्क ४,५ र शुभ रङ्ग रातो हो । कुनै शुभकर्म गर्नु पूर्व विष्णु भगवानको दर्शन गरि कार्य आरम्भ गर्दा अधिक सफलता मिल्नेछ ।
वि.सं. २०८१ श्रावण
श्रावण महिनामा सिंह राशिका लागि केही स्वास्थ्यमा तनाव रहने देखिन्छ । विशेष नाक तथा घाँटीमा समस्या आउला । नयाँ योजना कार्यान्वयनमा ल्याउन मुस्किल पर्ला । पढाई लेखाइमा पनि प्रगति गर्न नसकिने देखिन्छ । मध्य महिनाबाट प्रेम प्रसङ्गमा सफलता मिल्नेछ । कुनै कुराले मनमा शान्ति छाउनेछ । वैदेशिक क्षेत्रबाट सफलता मिल्नेछ । भौतिक सम्पत्ति खरिद तथा बिक्रीको योग पनि छ । यो महिनाको लागि शुभ अङ्क ३,९ र शुभ रङ्ग पहेँलो वा हरियो हो । शुभ कर्म गर्नु पूर्व शंकर भगवानको स्मरण गरि कार्य आरम्भ गर्दा अत्यन्त लाभ प्राप्त हुनेछ ।
वि.सं.२०८१ श्रावण
श्रावण महिनामा कन्या राशिका लागि समग्रमा सकारात्मक महिना रहेको छ । परिवारसँग रमाइलो भेटघाट हुनेछ । इच्छा र आकाङ्क्षा पूर्ण हुने भएको छ । नयाँ व्यक्ति बिच सामीप्यता बढ्नेछ । महिनाको उत्तरार्धबाट मानसिक चिन्ता बढ्ला । महत्त्वपूर्ण अवसर गुम्न सक्नेछ । शेयर बजारबाट नोक्सानी पनि हुनसक्छ । यो महिनाको लागि शुभ अङ्क २,८ र शुभ रङ्ग खरानी वा सेतो हो । कुनै शुभकर्म गर्नु पूर्व वा यात्रामा जानु अघि आफ्नो पितृदेवताको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ श्रावण
श्रावण महिनामा तुला राशिका लागि सजिलै अरुको विश्वास जित्न सकिने र लाभ हुनेछ । कुनै कुराले मनमा शान्ति छाउनेछ । राजनैतिक र सामाजिक कार्यमा सफलता मिल्नेछ । अधुरा या नयाँ कार्यको थालनी हुनेछ । प्रेमसम्बन्ध र प्रणयप्रसङ्गका लागि पनि श्रेष्ठ समय छ । शेयर बजार र व्यापार व्यवसायमा भने औसत लाभ हुनेछ । यो महिनाको लागि शुभ अङ्क २,६ र शुभ रङ्ग हरियो वा खैरो हो । कुनै शुभकर्म गर्नु पूर्व वा यात्रामा जानु अघि आफ्नो कूल देवताको स्मरण गरि कार्य आरम्भ गर्दा अधिक सफलता मिल्नेछ ।
वि.सं. २०८१ श्रावण
श्रावण महिनामा वृश्चिक राशीका लागि सांगीतिक क्षेत्रमा महत्वपूर्ण उपलव्धि रहनेछ । कला र गलाको प्रभाव बढ्दै जानेछ । ठूला व्यक्तिले तपाईंको मेहनतको प्रशंसा गर्नेछन् । रोकिएको वैदेशिक कार्य अघि बढ्नेछ । ब्यापार व्यवसायबाट आम्दानी हुनेछ । सम्मान समेत पाइनेछ । नयाँ वस्त्र, उपहार र अलङ्कारको प्राप्ति हुनेछ । राजनैतिक कार्यमा सफलता मिल्नेछ । यो महिनाको लागि शुभ अङ्क ४,८ र शुभ रङ्ग हरियो वा घ्यूरङ्ग हो । कुनै शुभकर्म गर्नु पूर्व वा यात्रामा जानु अघि विघ्नहर्ता गणेशजीको पूजा अर्चना गरि गरेको कार्यबाट अधिक सफलता मिल्नेछ ।
वि.सं. २०८१ श्रावण
श्रावण महिनामा धनु राशिलाई त्यति राम्रो फल मिल्नेछैन । सरकारी निकायको भय रहला । घर परिवारमा झैझमेलाको अवस्था आउला । मध्य महिनाबाट सद्विचारले अभिप्रेरित हुनेहरूलाई बिस्तारै लाभ हुनेछ । कुटुम्बबाट विशेष सहयोग मिल्नेछ । शेयर बजारबाट राम्रो सफलता मिल्नेछ । वैदेशिक कार्यहरू सहजै सम्पादन हुनेछन् । यो महिनाको लागि शुभ अङ्क ३,५ र शुभ रङ्ग सेतो वा गुलाबी हो । कुनै शुभकर्म गर्नु अघि हनुमानजीको आरधना गरि यात्रा गर्नाले अधिक सफलता मिल्नेछ ।
वि.सं. २०८१ श्रावण
श्रावण महिना मकर राशीका लागि एकपछि अर्को अवसर आउनाले मन प्रसन्न रहनेछ । रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । नोकरी गर्नेले मानसम्मान पाउनेछन् । लगनशीलताले कामहरू अगाडि बढ्नेछन् । आत्मबल बढाएर काम गरेमा असफल भने भइँदैन तर महत्त्वाकाङ्क्षी योजना गोप्य राखेर अघि बढ्नुपर्छ । यो महिनाको लागि शुभ अङ्क १,३ र शुभ रङ्गे कालो वा पहेँलो हो । कुनै शुभकर्म गर्नु अघि महालक्ष्मीजीको स्मरण गरि कार्य गर्नाले अधिक सफलता मिल्नेछ ।
वि.सं. २०८१ श्रावण
श्रावण महिनामा कुम्भ राशीका लागि अध्ययन कार्य उत्साहजनक रहनेछ । विद्यार्थीहरूको सफलताको राम्रो सम्भावना छ । सुन्दर पहिरनले व्यक्तित्वमा निखारता ल्याउनेछ । दाम्पत्य जीवन सुखमय हुनेछ । हर्ष र प्रसन्नताका बीचमा समय व्यतीत हुनेछ । सामाजिक तथा धार्मिक कार्यमा रुचि बढ्नेछ । प्रेमसम्बन्धका लागि पनि श्रेष्ठ समय रहेको छ । यो महिनाको लागि शुभ अङ्क ४,९ र शुभ रङ्ग सेतो वा निलो हो । कुनै शुभकर्म गर्नु पूर्व वा यात्रामा जानु अघि लक्ष्मी नारायणको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ श्रावण
श्रावण महिनामा मीन राशिका लागि शैक्षिक क्षेत्रमा सफलता मिल्नेछ । कसैकसैका लागि सन्तान प्राप्तिको समेत योग छ । रोकिएका काम पुनः सुरु हुन सक्छन् । लामो यात्रा सुखद् र सफल हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । व्यवसायिक काममा राम्रै फड्को मार्न सकिनेछ । यो महिनाको लागि शुभ अङ्क ५,९ र शुभ रङ्ग पहेँलो वा पर्पल हो । कुनै शुभ कर्म गर्नु पूर्व वा यात्रामा जानु अघि शिवजीको ध्यान गरि कार्य आरम्भ गर्दा अधिक लाभ हुनेछ ।