चैत्र ९, २०८०, Khotang
पुरुष तान डोरी, झाँकी प्रदर्शनका साथ सामूहिक नृत्य प्रतियोगिता पनि हुने
हलेसीन्युजडेस्क, खोटाङ
खोटाङको रावाबेसी गाउँपालिका–१ कुभिन्डेमा खुला वडास्तरीय पुरुष भलिवल प्रतियोगिता हुने भएको छ । नयाँवर्ष–२०८१ को अवसर पारेर आगामी चैत्र २९ देखि २०८१ बैशाख २ गतेसम्म खुला वडास्तरीय पुरुष भलिवल प्रतियोगिताका साथ वडा स्तरीय पुरुष तान डोरी प्रतियोगिता, झाँकी प्रदर्शन र वडा स्तरीय सामूहिक नृत्य प्रतियोगिताको आयोजना हुने रावावेसी गाउँपालिका–१ कुभिन्डेका वडाध्यक्ष गेहेन्द्रमान रार्ईले हलेसी एफ एमलार्ई जानकारी दिनुभएको छ ।
“युवाको लागि खेल–खेलका लागि युवा” भन्ने मूल नाराका साथ ‘कुभिन्डे युवा, खेलकुद तथा साँस्कृतिक विकास समिति’द्धारा रावाबेसी गाउँपालिका–१ कुभिन्डेकोे खेलमैदानमा भलिवल प्रतियोगिताका साथ विविध कार्यक्रमको आयोजना गरिन लागिएको समितिका अध्यक्ष योगेस रार्ईले बताउनुभयो । समितिद्धारा खेलकुद आयोजना सम्बन्धि सूचना प्रकाशन गर्दै खेलाडी र खेलाडीका टिमहरुलाई आमन्त्रण गरिएको पनि बताउनु भयो ।
भलिवल प्रतियोगितामा सहभागी हुन चाहने खेलाडीहरुले चैत्र २५ गते देखि २८ गते दिउसो १ः०० बजे भित्र रु ४ हजार ५ सय शुल्क बुझाई टिम दर्ता गरी सक्नुपर्ने आयोजकले जनाएको छ । यस्तै कुनै खेलाडी तथा टिमलार्ई प्रोटेष्ट गर्नु परेमा सम्बन्धित खेलाडीले खेल खेलिसकेको ३० मिनेट भित्र रु ३ हजार ५ सय नगद धरौटी राखि निवेदन पेश गर्नु पर्ने र प्रमाण नपुगेमा धरौटी वापतको रकम फिर्ता नहुने आयोजकले जनाएको छ ।
यस्तै नृत्य प्रतियोगिता तर्फ समूहमा कम्तिमा ६ जना देखि बढीमा १२ जना सम्म हुनुपर्ने, गीत देशभक्ति तथा राष्ट्रियता झल्कने हुनु पर्ने, गीत तथा नाच अनुसारको भेषभुषा अनिवार्य हुनु पर्ने आयोजकले जनाएको छ ।
तान डोरी प्रतियागितातर्फ वडा स्तरीय पुरुष हुनुपर्नेछ भने एक समूहमा ५ जना सम्मिलित हुनुपर्ने जनाइएको छ । तानडोरी प्रतियोगितामा भने रावावेशी गाउँपालिका भित्रका वडाले मात्र सहभागी हुन पाउने भनिएको छ ।
यस्तै झाँकी प्रदर्शन तर्फ विभिन्न जातजातीले आ-आफ्नो मौलिक झाँकी प्रदर्शन गर्नु पर्ने, एक समूहमा कम्तिमा १६ जना देखि २५ जना हुनुपर्ने आयोजकले जनाएकोे छ । झाँकी प्रदर्शनमा रावावेशी गाउँपालिकाभित्रका समुदायलाई मात्र सहभागी गराइने भनिएको छ ।
भलिवल प्रतियोगितामा प्रथम हुने टिमलाई रु ७० हजार नगदका साथ मेडल र प्रमाणपत्र, द्धितिय लार्ई रु.४५ हजार नगदका साथ मेडल र प्रमाणपत्र र तृतीय हुनेलाई रु. ३० हजार नगदका साथ मेडल र प्रमाणपत्र प्रदान गरिनेछ । साथै सान्त्वना हुने टिमलार्ई रु ११ हजार नगदका साथ मेडल र प्रमाणपत्र प्रदान गरिने जनाइएको छ । उत्कृष्ट खेलाडीलार्ई ट्रफिको समेत व्यवस्था गरिएको आयोजक समितिले जनाएको छ ।
यस्तै खुल्ला सामूहिक नृत्य तर्फ प्रथम, दोस्रो, तेस्रो र सान्त्वना हुने टिमलार्ई क्रमश रु. १६ हजार, १२ हजार, ८ हजार र रु. ४ हजारका साथ प्रमाणपत्र दिइनेछ । यसैगरी पुरुष तानडोरी तर्फ प्रथम, द्धितिय र तृतीय हुने टिमहरुलाई क्रमशः रु. १० हजार बराबरको बोका, ७ हजार मूल्य पर्ने बोका र रु. ५ हजार बराबरको लोकल भालेको ब्यवस्था गरिएको आयोजकले जानकारी दिएको छ ।
खेल अबधिभर खाने वस्ने व्यवस्था खेलाडी आफैले गर्नुपर्ने भनिएको छ । खेलमा सामान्य चोटपटकका लागि आयोजकले मेडिकलको व्यवस्था गरेको भएपनि गम्भिर चोटपटक लागेमा खेलाडी आफै जिम्मेवारी बन्नुपर्ने समितिले जनाएको छ ।
[ खेल-जगतका अन्य खवरहरु---
अण्डर–२३ वडास्तरीय पुरुष फुटबल प्रतियोगितामा साकेला-५ मात्तिम प्रथम
१४ औँ राष्ट्रपति रनिङ शिल्ड प्रतियोगिता सम्पन्न ः दिक्तेलरुपाकोट मझुवागढीको हातमा प्रथम उपाधि
दिक्तेल सोल्मामा यो हप्ताभरि जुनियर खेलाडीहरुको रोचक फुटवल प्रतिस्पर्धा हुदै
छैठौं राष्ट्रपति रनिङ शिल्डको उपाधि साकेला माविलाई
दिक्तेल रुपाकोट मझुवागढी नगरपालिकाद्धारा आयोजित राष्ट्रपति रनिङ शिल्ड प्रतियोगिता सम्पन्न
साकेलामा राष्ट्रपति रनिङ शिल्ड प्रतियोगिता सुरु
दिरुम नगरपालिकामा आजबाट राष्ट्रपति रनिङ शिल्ड प्रतियोगिता शुरु
लफ्याङमा वडास्तरीय खुला पुरुष भलिवल प्रतियोगिता सम्पन्न
मिलन कसजुको नेतृत्व चयन गर्दै नेपाल कराँते संघ खोटाङको चौथो अधिवेशन सम्पन्न
आईसीसी विश्वकप लिग–२ मा यूएईलाई हराउँदै नेपाल विश्वकप छनौटमा
दिक्तेल मेयर कप फुटबल प्रतियोगितामा नेर्पाको शानदार विजय }
हलेसीन्युजडेस्क, खोटाङ / खोटाङको दिक्तेल रुपाकोट मझुवागढी नगरपालिकाका सबै वडाहरुमा तोकिएको...
हलेसीन्युजडेस्क, खोटाङ खोटाङका स्थानीय तहमा गठित न्यायिक समितिका पदाधिकारी र सरोकारवालाबीच...
हलेसीन्युजेस्क, खोटाङ खोटाङको हलेसी तुवाचुङ नगरपालिका–९ सल्लेमा डढेलोका कारण वस्तिका केही...
हलेसीन्युजडेस्क, खोटाङ नयाँ वर्ष २०८१ को सुरुवात संगै डिशहोमले आफ्ना ग्राहकहरुको...
हलेसीन्युजडेस्क, खोटाङ खोटाङको बाराहापोखरी गाउँपालिका वडा नं. १ बाराहापोखरीमा भिषण डढेलोका...
हलेसीन्युजडेस्क, खोटाङ खोटाङको रावावेशी गाउपालिका वडा नं.४ डुम्रे धारापानीस्थित देउराली माविमा...
वि.सं. २०८१ बैशाख
मेषराशीका लागि बैशाख महिना आम्दानी बढ्ने र उठ्नुपर्ने रकम हातलागी हुने समय छ । ज्ञान सिक्ने मौका मिल्नुका साथै नयाँ कार्यको योजना बन्नेछ । श्रम र इमानदारिताको उचित मूल्याङ्कन हुनेछ । सामाजिक र राजनैतिक क्षेत्रबाट सफलता मिल्नेछ । नयाँ आफन्तहरूसँग भेटघाट, रमणीय र सुखद् यात्राको योग पनि रहेको छ । यो महिनाको लागि शुभ अङ्क ३, १० र शुभरङ्ग रातो वा गुलाबी हो । कुनै शुभकर्म गर्नु पूर्व वा यात्रामा जानु अघि विघ्नहर्ता गणेशजीको दर्शन गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
वृष राशीका लागि बैशाख महिनाको सुरुका दिन त्यति राम्रो देखिँदैन, कार्यमा बाधा आउनसक्छ । व्यर्थको सास्ती खेप्नु पर्ला । सपना पनि नराम्रो देखिन सक्छ । मध्य महिनाबाट भने सद्विचारले अभिप्रेरित हुनेहरूलाई बिस्तारै बढी लाभ हुनेछ । साथी भाइको भेटघाटले मन प्रसन्न रहने र मन मिल्ने साथीको सहयोग पाइनेछ । प्रतिष्ठित काम गर्ने मौका छ । नाम, दाम, इनाम र प्रतिष्ठा कमाउने बेला छ । यो महिनाको लागि शुभ अङ्क २,९ र शुभ रङ्ग पहेँलो वा नीलो हो । कुनै शुभकर्म गर्नु अघि हनुमानजीको स्मरण गरि कार्य आरम्भ गर्नाले सफलता मिल्नेछ ।
वि.सं. २०८१ बैशाख
मिथुन राशीका लागि बैशाख महिनामा लामो समयदेखि रोकिएका अधुरा कामहरू पूरा हुनेछन् । स्वादिष्ट भोजनको आनन्द समेत पाइएला । पढाई लेखाइमा उल्लेख्य सुधार आउनेछ । शत्रु र रोगबाट छुटकारा मिल्नेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । विशेषगरि विदेशिएका विद्यार्थीहरूले सफलता हासिल गर्नेछन् । मुद्दामामिलामा पनि विजयी भइनेछ । यो महिनाको लागि शुभ अङ्क ४,५ र शुभ रङ्ग सेतो वा केशरी हो । कुनै शुभकर्म गर्नु पूर्व वा यात्रामा जानु अघि विष्णु भगवानको दर्शन गरि कार्य आरम्भ गर्दा लाभ मिल्नेछ ।
वि.सं. २०८१ बैशाख
कर्कट राशीका लागि बैशाख महिनामा आफ्नो क्षेत्रमा सफलता हासिल गर्न सहजता हुनेछ । विश्वास गरेकाले साथ दिनेछन् । मन पर्ने वस्त्र, अलङ्कार आदि उपहार पाइने योग छ । भ्रमण र तीर्थाटनको योग पनि रहेको छ । नजिकको व्यक्तिको सहयोगबाट कार्य पुरा हुनेछ । मध्य महिनामा धन र समयको नोक्सानी हुनेछ । प्रशंसकहरूले पनि आलोचना गर्नसक्छन् । यो महिनाको लागि शुभ अङ्क २,७ र शुभ रङ्ग सेतो वा पहेँले हो । कुनै शुभकर्म गर्नु पूर्व वा यात्रामा जानु अघि सूर्य भगवानको स्मरण गरि कार्य आरम्भ गर्दा अधिक लाभ मिल्नेछ ।
वि.सं. २०८१ बैशाख
सिंह राशीका लागि बैशाख महिना उत्साहवर्दक नै रहनेछ । नयाँ ज्ञान प्राप्त हुने योग रहेको छ । पशुपालनमा त्यति लाभ नभए पनि व्यापारमा प्रशस्त फाइदा हुने योग छ । आफन्तहरू सँग भेटघाट हुनेछ । स्थानान्तरण र देश विदेशको भ्रमण हुनेछ । ठूला व्यक्तिले तपाईंको मेहनतलाई प्रशंसा गर्नेछन् । कृषि तथा तर अनावश्यक धन र परिश्रम पनि खर्च हुने र स्वास्थ्य बिग्रनसक्छ । यो महिनाको लागि शुभ अङ्क ५,८ र शुभ रङ्ग खैरो वा हरियो हो । कुनै शुभकर्म गर्नु पूर्व पितृ देवको स्मरण गरि गरेको कार्यबाट अधिक सफलता मिल्नेछ ।
वि.सं. २०८१ बैशाख
कन्या राशिका लागि बैशाख महिनामा नयाँ योजना कार्यान्वयनमा ल्याउन मुस्किल पर्नसक्छ र विगतका समस्या बल्झिन सक्छन् । सवारीसाधनको प्रयोग गर्दा सावधानी अपनाउनु पर्नेछ । मध्य महिनाबाट भने समय उत्साहवर्द्धक रहनेछ । वैदेशिक क्षेत्रका अधुरा कार्य पूरा हुन सक्छ । नयाँ वस्त्र, अलंकार तथा धन सम्पत्ति समेत हात पर्ने योग रहन्छ । यो महिनाको लागि शुभ अङ्क २,७ र शुभ रङ्ग खैरो वा सेतो हो । शुभकर्म गर्नु पूर्व बगलामुखीको स्मरण गरि कार्य आरम्भ गर्दा राम्रो हुनेछ ।
वि.सं. २०८१ बैशाख
तुला राशीका लागि बैशाख महिनामा नयाँ कार्यको प्रारम्भ गर्न सकिनेछ । ठूला व्यक्तिले तपाईंको मेहनतलाई प्रशंसा गर्नेछन् र भेटघाटले मन प्रसन्न हुनेछ । स्थानान्तरण र लामो यात्राको सम्भावना छ । रोकिएको ठाउँबाट आकस्मिक धन लाभ हुनेछ । महिनाको अन्त्यमा बोलीको विपरीत अर्थ लाग्न सक्छ । सेयर बजारमा केही उतारचढाव हुनेछ । यो महिनाको लागि शुभ अङ्क १,८ र शुभ रङ्ग गुलाबी सेतो वा निलो हो । कुनै शुभकर्म गर्नु पूर्व वा यात्रामा जानु अघि महा लक्ष्मीजीको दर्शन गरि कार्य आरम्भ गर्दा अधिक सफलता प्राप्त हुनेछ ।
वि.सं. २०८१ बैशाख
वृश्चिक राशीका लागि बैशाख महिनामा जोशजाँगर र हिम्मत बढ्नेछ । चलाखीपूर्ण बोली र कामले कार्यहरू सफल हुनेछन् । शुभ र मङ्गल कार्यको योग पनि छ । वाहन लाभ हुने समय आएको छ । व्यापार तथा उद्योगतर्फ सामान्य फाइदाको योग छ । मध्य महिनामा भने प्रतिस्पर्धीहरूको चलखेल बढ्नाले केही चुनौती सामना गर्नुपर्ला । अनावश्यक आरोप लाग्ने र धनमाल हराउने योग भएकाले सजग रहनुहोला । यो महिनाको लागि शुभ अङ्क ५,८ र शुभ रङ्ग रातो वा नीलो हो । कुनै शुभकर्म गर्नु पूर्व शिवजीको स्मरण गरि कार्य आरम्भ गर्दा अधिक लाभ हुनेछ ।
वि.सं. २०८१ बैशाख
धनु राशी भएकाहरुलाई बैशाख महिनामा विद्या, बुद्धि र सन्तान सुख मिल्नेछ । नयाँ सवारी साधन प्राप्तिको योग छ । दाम्पत्य जीवन सुखद तथा समृद्ध बन्ने देखिन्छ । आम्दानी प्रशस्तै बढ्नेछ । आफ्नो पेशामा बढुवा तथा सरुवाको योग पनि रहेको छ । महिनाको अन्त्यमा अनावश्यक झन्झट तथा झमेलाको सामना गर्नुपर्नेछ । प्रेम र मित्रताको बन्धनमा मनमुटाव बढ्न सक्छ, बोल्दा विचार पुर्याउनु पर्छ । यो महिनाको लागि शुभ अङ्क ४,७ र शुभ रङ्ग सेतो हो । कुनै शुभकर्म गर्नु पूर्व भैरवजीको दर्शन गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मकर राशी हुनेहरुका लागि बैशाख महिनामा मान र सम्मानमा आघात पर्न सक्छ । स्वस्थ प्रतिकूल हुन सक्छ । शैक्षिक क्षेत्रबाट इच्छित प्रतिफल नमिल्ला । प्रशंसकहरूले पनि आलोचना गर्नसक्छन् । महिनाको उत्तरार्धमा भने रमाइलो यात्रा हुनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । शेयर बजार र वैदेशिक कार्यमा विशेष सफलता मिल्नेछ । यो महिनाको लागि शुभ अङ्क ३, ९ र शुभरङ्ग हल्का पहेँलो वा हरियो हो । शुभकर्म गर्नु पूर्व महाकालीजीको स्मरण गरि कार्य आरम्भ गर्दा अधिक शुभ फल प्राप्त हुनेछ ।
वि.सं. २०८१ बैशाख
कुम्भ राशीका लागि बैशाख महिनामा इच्छा र आकांक्षा पूर्ण हुने भएको छ । गरेको कार्यमा सफलता पाइनेछ । साथीभाइको सहयोगले हिम्मत दिलाउनेछ । मन पर्ने वस्त्र, अलंकार आदि उपहार पाइनेछ । रोकिएका काम सम्पादन हुने र नयाँ काम पाइने योग पनि छ । शुभ, मङ्गल र नयाँ कार्यको योग छ । स्वादिष्ट भोजनको आनन्द समेत पाइएला । प्रेम सम्बन्धमा मधुरता मिल्नेछ । यो महिनाको लागि शुभ अङ्क ३,८ र शुभ रङ्ग सेतो वा नीलो हो । कुनै शुभकर्म गर्नु अघि आफ्नो कुलदेवताको आरधना गरि यात्रा गर्नाले अधिक सफलता मिल्नेछ ।
वि.सं. २०८१ बैशाख
मीन राशीका लागि बैशाख महिनामा पारिवारिक जमघटमा मन रमाउनेछ । विशिष्ट व्यक्तित्वसँग भेटघाट हुनेछ । छरछिमेकमा सम्पन्न हुने धार्मिक र शुभ कार्यमा संलग्न हुनु पर्नेछ । न्यायिक कार्यमा सफलता मिल्नेछ । मध्य महिनाबाट पारिवारिक स्वास्थ्यमा समस्या आई औषध उपचारमा खर्च बढ्नेछ, अतः ऋण र रोगको भय हुनेछ । तपाईँका प्रतिद्वन्दी पनि बढ्न सक्छन् । यो महिनाको लागि शुभ अङ्क ३, ७ र शुभ रङ्ग हरियो वा गुलाबी हो । कुनै शुभकर्म गर्नु पूर्व महादेवको आरधना गरि कार्य आरम्भ गर्दा अधिक लाभ मिल्नेछ ।