हलेसीन्युजडेस्क, खोटाङ

खोटाङ जिल्लामा निःशुल्क आँखा जाँच तथा शल्यक्रिया सहितको दुईदिने निःशुल्क आँखा शिविर शुरु भएको छ । जिल्लास्थित फेमली केयर हस्पिटल दिक्तेल र नवदृष्टि आई हष्पिटल इटहरी–४ सुनसरीको संयुक्त आयोजनामा सदरमुकाम स्थित दिक्तेलवजारमा आज शुरु भै भोलिसम्म दुर्ईदिने निःशुल्क आँखा शिविर सञ्चालन हुने भएको हो ।

आज जिल्लास्थित फेमली केयर हस्पिटल दिक्तेलमा ११६ जना पुरुष तथा १५४ जना महिला गरि जम्मा २७० जना सेवाग्राहीको उपचार भएको छ, जसमा ३१ जनाको निःशुल्क मोतिबिन्दुको अप्रेशन गरिएको र बाँकीको आँखा जाँच तथा निःशुल्क औषधि वितरण गरिएको दृष्टि विशेषज्ञ राकेश थापाले जानकारी दिनुभएको छ । यो समाचार तयार हुँदा सम्म शिविरमा आँखाका विरामीहरुको जाँच तथा औषधि वितरणको काम भैरहेको अस्पताल श्रोतले जनाएको छ ।

आज विहान ९ः०० बजे देखि बेलुका ४ः०० बजे सम्म आँखा जाँच तथा निःशुल्क शल्यक्रिया शिविर संचालन गर्ने भनिए पनि विरामीको चापका कारण वेलुकी अवेरसम्म संचालन गरिएको बुझ्नमा आएको छ । निःशुल्क आँखा शिविर  भोलि पनि हुने भएको हुँदा आँखाका रोगीहरूले भोलि पनि सहभागी हुन आयोजकले आग्रह गरेको छ ।
 

[ यो पनि-दिक्तेलमा चैत्र २८ र २९ गते निःशुल्क आँखा शिविर हुँदै }