हलेसीन्युजडेस्क, खोटाङ

खोटाङमा  छुरा प्रहार गरी एकजनाको ज्यान लिने तीन युवाहरु अन्ततः  समातिएका छन् । दिक्तेल रुपाकोट मझुवागढी नगरपालिका–११ खार्मी निभारेका ३० वर्षीय धनजित राईमाथि शनिवार राती अन्दाजी आठ वजे छुरा प्रहार गरी हत्या गरेको अभियोगमा  सोही गाउँका तीन युवाहरु सोमबार बिहान दिक्तेल रुपाकोट मझुवागढी नगरपालिका वडा नं. १० पाथेकामा लुकीछिपि रहेको अवस्थामा  समातिएका हुन ।

बैशाख १ गते राती खार्मी निभारेकै  भिम बहादुर बस्नेतको बारीमा धनजित राईलाई अन्धाधुन्ध छुरा प्रहार गरी फरार रहेका सोही गाउका २२ वर्षीय बिकास राई, २० वर्षीय आशन राई र २८ वर्षीया गणेश राईलाई जिल्ला प्रहरी कार्यालय खोटाङका डिएसपी पुरुषोत्तम खड्काको कमाण्डमा खटिएको प्रहरीको टोलिले पाथेका भुसुन्डास्थित धनपति राईको घरमा लुकेर रहेको अवस्थामा सोमवार विहान नियन्त्रणमा लिएको थाहा भएको छ ।

मृतक धनजितकी श्रीमती कबिता तामाङले ले दिएको जिाहेरीका आधारमा पक्राउ परेका तीनैजनालाई जिल्ला प्रहरी कार्यालयमा ल्याई थप अनुसन्धान थालिएको प्रहरी श्रोतले जनाएको छ ।

[ यो पनि-खोटाङमा छुरा प्रहार गर्दा एकको मृत्यु }