हलेसीन्युजडेस्क, खोटाङ /

खोटाङको दिक्तेलबजारमा वृहत खोटाङ–हलेसी खेलकुद, साहित्यिक, सांगीतिक, पर्यटन महोत्सव–२०८१ को अन्तिम श्रंखला अन्तर्गत राष्ट्रिय कराते प्रतियोगिता शुरु भएको छ । नेपाल खेलकुद प्रतिष्ठान खोटाङको आयोजनामा जेष्ठ ८ गतेबाट दिक्तेल माटिकोरेस्थित बहुउद्देश्य कभर्डहलमा राष्ट्रिय कराते प्रतियोगिता शुरु भएको हो ।

प्रतियोगितामा सातवटा प्रदेश र आयोजक गरी आठ टिम प्रतिस्पर्धामा छन् । 

प्रतियोगिताको शुरुको दिन भएको पाँच इभेन्टको खेलमा आयोजकका तर्फबाट सहभागी टिमले तीन स्वर्ण सहित अग्रता लिएको थाहा भएको छ । महिला एकलकातामा रोश्मा राई, महिला टिम कातामा अनिशा राई, विशुका राई र करुणा राई तथा पुरुष टिमकातामा रुरीहाङ दुमी, अर्जुन श्रेष्ठ र सूर्यचन्द्र राईले स्वर्ण पदक पाएको जनाइएको छ ।

महिला एकलकातामा गण्डकीकी सुमिना तामाङले काँस्य र कोशी प्रदेशकी कृति राईले रजत प्राप्त गरेकीछिन् । महिला टिमकातामा कोशीकै सोमी राई, प्रमिला विश्वकर्मा र कृति राईले रजत हात पारेकाछन् । पुरुष टिमकातामा कोशी प्रदेशका अमिर राई, निदे शेर्पा, र राजल थामीले कास्य पदक प्राप्त गरेकाछन् ।

४५ केजि अन्तर्गत  पुरुष कोमितेमा मधेश प्रदेशका प्रिन्स साहले स्वर्ण, आयोजक टिमका प्रणयविक्रम राईले काँस्य र कर्णाली प्रदेशका भुवशुन्दर श्रेष्ठ तथा वागमती प्रदेशका आशिक कुयालले रजत पदक प्राप्त गरेको थाहा भएको छ ।

अन्य खेलहरु जेष्ठ ९ र १० गते खेलाइनेछन् ।

करातेमा टिम प्रथम हुनेले रु. एक लाख ११ हजार १११, दोश्रो हुनेले रु. ५५ हजार ५५५, तेश्रो हुनेले रु. ४४ हजार ४४४, चौथो हुनेले रु. २२ हजार २२२, उत्कृष्ट पुरुष र महिला खेलाडी एक–एक जनाले जनही रु.२२ हजार २२२ रुपैयाँ र उत्कृष्ट व्यवस्थापनले रु. ११ हजार १११ रुपैयाँसहित ट्रफि र प्रमाणपत्र पाउनेछन् । 

कराते प्रतियोगिता जेष्ठ १० गते सम्पन्न हुनेछ ।

प्रतिष्ठानले बैशाख ३१ गतेदेखि ‘प्रथम बृहत खोटाङ हलेसी खेलकुद, साहित्यिक, सांगितिक तथा पर्यटन महोत्सव–२०८१’ गरिरहेको छ । महोत्सव अन्तर्गत बैशाख ३१ गते हाफ म्याराथनसहित विभिन्न दौड प्रतियोगिता, जेठ ३ गते राष्ट्रिय कविता प्रतियोगिता र जेष्ठ ६ गते १८ वर्षमूनिको राष्ट्रिय गायन प्रतियोगिता सम्पन्न भईसकेको छ ।

            खेलका केही रोचक दृष्यहरु

[ यो पनि-१८ वर्षमुनिका प्रतिभाहरुवीच भएको खुल्ला राष्ट्रव्यापि गायनमा मिलन भए प्रथम }