हलेसीन्युजडेस्क, खोटाङ /

खोटाङको दिक्तेल रुपाकोट मझुवागढी नगरपालिका वडा नं ३ बाम्राङस्थित साबित्रा माध्यमिक विद्यालयमा अध्ययन गरेका भूतपुर्व विद्यार्थीहरूले अक्षयकोष स्थापना गरेका छन् । विद्यालय व्यवस्थापन समितिका अध्यक्ष अनिल राईको अध्यक्षता तथा वडा नं ३ का वडाध्यक्ष महेन्द्र बहादुर राईको प्रमुख आतिथ्यतामा मंसिर १८ गते भएको एक कार्यक्रममा शैक्षिक सत्र २०६४ सालमा एसएलसी दिएका १५ जना विद्यार्थीहरुबाट संकलित रकम रु १ लाख ३६ हजार नौ सय २८ रूपैयाँको सावित्रा माध्यामिक विध्यालय भूतपूर्व विध्यार्थी अक्षयकोष—२०८१ स्थापना गरिएको बिध्यालय श्रोतले जनाएको छ । 

                    कार्यक्रमका केहीँ झलक

विध्यालयको क्षमता विकास गर्न, विध्यार्थीहरुको शैक्षिक पठनपाठनमा आवश्यक पर्ने शैक्षिक सामाग्रीहरु खरिद गर्न टेवा पुराउने तथा विद्यालयमा अध्ययनरतः आर्थिक अवस्था कमजोर रहेका जेहनदार विद्यार्थीहरुलाई अध्ययनमा सहयोग पु-याउने उद्देश्यले अक्षयकोष स्थापना गरेर विद्यालयलाई हस्तान्तरण गरिएको भूतपूर्व विद्यार्थी एवं वडा नं. ३ का वडा सदस्य रेखा रम्तेलले हलेसी एफएमलार्ई जानकारी दिनु भएको छ । उहाँका अनुसार अक्षयकोषको सावा बैंकमै रहनेछ र त्यसबाट आएको ब्याजबाट विध्यालय हितका रचनात्मक कार्यमा खर्च गरिनेछ । 

अक्षय कोषलाई व्यवस्थित रुपमा संचालन गर्न विध्यालय व्यवस्थापन समितिका अध्यक्ष अनिल राईको अध्यक्षतामा एक समिति गठन गरिएको जनाइएको छ । उक्त समितिमा विध्यालय अभिभावक संघका अध्यक्ष बयानसिं राई उपाध्यक्ष,विध्यालय लेखा शाखाका डम्वर पाण्डे काषाध्यक्ष, विध्यालयका प्रधानाध्यापक टंकप्रसाद भण्डारी सचिव तथा शिक्षक शिवप्रसाद राई, भूतपूर्व विध्यार्थीहरु रेखा रम्तेल र पर्शुराम थापा सदस्यमा चयन गरिएको विध्यालय श्रोतले बताएको छ ।

सावित्रा मावि भूतपूर्व विध्यार्थी अक्षयकोष खडा गर्नका लागि भूतपूर्व विद्यार्थीहरू क्रमशः  हिराधन राईबाट रु २७ हजार ७ सय ७३ रुपैया ७७ पैसा, तोया राईबाट रु २१ हजार रुपैयाँ अक्षय कोषका लागि संकलन गरिएको थियो । यसैगरी अक्षय कोषमा केशव कटवालबाट रु १० हजार, सन्तोष मगर (निरकाजी) बाट रु १० हजार, रविन्द्र नाथ भण्डारीबाट रु १० हजार, हिमाल भट्टराईबाट रु १० हजार, नवराज थापाबाट रु.७ हजार ९९ रूपैयाँ पैसठ्ठी पैसा, दिपेन्द्र थापाबाट रु ६ हजार, रेखा रम्तेलबाट रु ५ हजार ५५, ओसनबावु सुवेदीबाट रु ५ हजार, तारा खतिवडा (खनाल)बाट रु ५ हजार, पुष्पा राई (उषा)बाट रु ५ हजार, पर्शुराम थापा (आशिष)बाट रु ५ हजार, सर्मिला कटवालबाट रु ५ हजार र पुर्णीमा राई (नुमा) बाट रु ५ हजार रकम उपलव्ध भएको विध्यालयले जनाएको छ । 

कार्यक्रममा दिक्तेल रुपाकोट मझुवागढी नगरपालिका वडा नं. ३ बाम्राङका वडाध्यक्ष महेन्द्र बहादुर राई, कार्यपालिका सदस्य मिना कार्की, विद्यालय व्यवस्थापन समितिका अध्यक्ष अनिल राई, निमित्त प्र.अ. टंकप्रसाद भण्डारी लगायतले पूर्व विद्यार्थीले गरेको यो काम अनुकरणीय र प्रशंसायोग्य रहेको बताउनुभयो ।