हलेसीन्युजडेस्क, खोटाङ /

खोटाङको बाराहापोखरी गाउँपालिकामा भव्य सास्कृतिक महोत्सव सम्पन्न भएको छ । बाराहापोखरी गाउँपालिकाको आयोजना र खोटाङ कलाकार समाजको सहआयोजनामा मंसिर ६ गते हरिवोधिनी एकादशीको अवसर पारेर वाराहापोखरी गाउँपालिका वडा नं. १ बाराहापोखरीमा आकर्षक साँस्कृतिक महोत्सव सम्पन्न भएको हो ।

पूर्वी पहाडमै धार्मिक तथा प्राकृतिक महत्व बोकेको प्रशिद्ध बाराहापोखरी ताल नजिक सम्पन्न भएको साँस्कृतिक महोत्सवमा राष्ट्रका ख्यातिप्राप्त कलाकार एवं संगीत तथा नाट्य प्रज्ञा प्रतिष्ठानका उपकुलपति शम्भु राई लगायत अन्य प्रशिद्ध कलाकारहरुको गीत÷संगीतको प्रस्तुतिका साथ प्रशिद्ध हाँस्य कलाकार सुवोध गौतमको हाँस्य कला प्रदर्शनी भएको थियो । महोत्सवमा राती २ वजेसम्म स्थानीय साँस्कृतिक झाँकीका साथ विभिन्न धामी झाँक्रीहरुको रोमान्चक प्रदर्शनी प्रस्तुत भएको थियो ।

यस्ता महोत्सवले बाराहापोखरीको धार्मिक एवं पर्यटकीय विकासमा प्रशार प्रसार भै टेवा पुग्ने र स्थानीय साँस्कृतिक पहिचानको प्रवद्र्धन हुने वडा नं. १ वाराहापोखरीका अध्यक्ष ढकबहादुर कार्की बताउनुहुन्छ ।

पालिका अध्यक्ष शालिकराम बन्जाराको अध्यतामा महोत्सवको उद्धघाटन प्रतिनिधिसभा सदस्य रामकुमार राई पासाङले गर्नुभएको थियो ।