हलेसीन्युजडेस्क, खोटाङ /

नेपालको प्रशिद्ध सांगीतिक प्लेटफर्म भ्वाइस अफ नेपालको  तेश्रो राउण्ड नकआउटका लागि खोटाङे चेलि प्रवृत्ती राई छानिनुभएको छ । दिप्रूङचुइचुम्मा गाउँपालिका वडा नं.४ बतासे निवासी प्रवृति राई पहिलो चरण व्लाइन्ड राउण्ड हुदै शनिवार भएको व्याटल राउण्डबाट पनि प्रतिस्पर्धि मुक्तिनाथ दाहाललाई उछिन्दै नकआउटका लागि छानिनुभएको हो ।

दिक्तेलस्थित साइनो कला केन्द्रमा लामो समयसम्म साँगीतिक अभ्यास गरेर काठमाण्डौँ छिरेपछि थप सांगीतिक यात्रामा अगाढि बढिरहनु भएकी प्रवृत्तिका ‘उहिले म सोच्थे, कान्छा’ जस्ता केही साँगीतिक एलवम समेत वजारमा आइसकेका छन् ।  

भ्वाइस आफ नेपालको व्लाइन्ड राउण्ड पछि प्रवृत्तिको लागि कोच उदय सोताङले आगामी भ्वाइसको साँगीतिक प्रतिस्पर्धाका लागि प्रशिक्षण दिइरहनुभएको छ । प्रवृत्तिको टिमसँगै कोच उदयसँग अन्य सात टोलिले पनि भ्वाइसको आगामी प्रतिस्पर्धाका लागि प्रशिक्षण लिइरहनुभएको छ ।

अत्यन्त लजालु स्वभावकी प्रवत्तिका लागि प्रतिस्पर्धि जोडी मुक्तिनाथसँग प्रशिद्ध गीत ‘इशाराले बोलाउनु पर्दैन’ भन्ने गीत छानिएको थियो । यो गीत प्रशिद्ध फ्ल्मि ‘अन्याय’मा रत्न शमशेर थापा, इश्वर वल्लभ र प्रदिप रिमालले लेख्नुभएको हो । जसलाई रन्जित गजमेरले संगितवद्ध गर्नुभएको थियो भने भुपेन्द्र सिं र दिपा झाले गाउनुभएको थियो ।

कोच राजेश, कोच प्रमोद र कोच मिलन नेवारको समेत समर्थन पाउनुभएकी खोटाङे चेलि प्रवृत्ति राईलाई आफ्नो कोच उदय सोताङले समेत छानेपछि अब आगामी राउण्ड नकआउटका लागि उहाँले कडा रियाज गर्नुपर्नेहुन्छ । 

हलेसी एफएम, खोटाङका तर्फबाट आगामी प्रतिस्पर्धाका लागि समेत उहाँलाई हार्दिक शुभकामना ।